سيندزو ابە 2012 جىلدان 2020 جىلعا دەيىن جاپونيا تاريحىنداعى ەڭ ۇزاق قىزمەت ەتكەن پرەمەر-مينيستر. ول بيىلعى شىلدەدە كىسى قولىنان قازا تاپتى.
جاپونيانىڭ بۇرىنعى پرەمەر-ءمينيسترىن جەرلەۋ ءراسىمى 12 شىلدە كۇنى وتباسى جانە جاقىن دوستارىنىڭ قاتىسۋىمەن توكيودا وتكەن. سودان كەيىن ۇكىمەت باسىنداعىلار مەملەكەتتىك جەرلەۋ ءراسىمىن ۇيىمداستىرۋ تۋرالى باستاما كوتەردى. مەملەكەتتىك ءراسىم بۇگىن, سەيسەنبىدە, چيودا اۋدانىنداعى «نيپپون بۋدوكاندا» ارەناسىندا ۇيىمداستىرىلدى. وعان جاپونيا مەن باسقا ەلدەردەن 4000-عا جۋىق شەنەۋنىك قاتىستى. سالتاناتتى راسىمگە يمپەراتور نارۋحيتو مەن ماساكو كەلدى.
جەرلەۋ راسىمىنە بارلىعى 27 ەل مەن حالىقارالىق ۇيىمداردان 700 دەلەگاتسيا قاتىسقان. ولاردىڭ اراسىندا قر پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇحتار تىلەۋبەردى دە بار.
