كونفەرەنتسيانى ەڭبەك جانە حالىقتى الەۋمەتتىك قورعاۋ مينيسترلىگى تمد-عا قاتىسۋشى مەملەكەتتەردىڭ ەڭبەك, جۇمىسپەن قامتۋ جانە حالىقتى الەۋمەتتىك قورعاۋ جونىندەگى كونسۋلتاتيۆتىك كەڭەسىندە توراعالىق ەتۋشى ورگان رەتىندە تمد-نىڭ كونسۋلتاتيۆتىك كەڭەسى مەن اتقارۋشى كوميتەتىنىڭ قولداۋىمەن ۇيىمداستىردى. ءىس-شاراعا ازەربايجان, ارمەنيا, بەلارۋس, تاجىكستان, وزبەكستان جانە رەسەيدىڭ مەملەكەتتىك الەۋمەتتىك-ەڭبەك سالاسىنىڭ وكىلدەرى, سونداي-اق تمد-عا قاتىسۋشى مەملەكەتتەردىڭ پارلامەنتارالىق اسسامبلەياسىنىڭ, ەۋرازيالىق ەكونوميكالىق كوميسسيانىڭ, جالپى كاسىپوداقتار كونفەدەراتسياسىنىڭ, ماشەروۆ اتىنداعى ۆيتەبسك مەملەكەتتىك ۋنيۆەرسيتەتىنىڭ جانە تمد اتقارۋشى كوميتەتىنىڭ ساراپشىلارى قاتىستى.
ت.دۇيسەنوۆا الەۋمەتتىك قىزمەتتەردى دامىتۋ, ونىڭ ىشىندە مۇگەدەك ادامداردى وڭالتۋ سالاسىندا ءىس جۇزىندە قولدانىلۋى مۇمكىن يننوۆاتسيالىق تاجىريبەمەن الماسۋ الاڭى سياقتى ءىس-شارانى وتكىزۋدىڭ ماڭىزىن اتاپ ءوتتى. مينيستر نەگىزگى ماقساتى ءار قازاقستاندىق وتباسىنىڭ ءال-اۋقاتىن جاقسارتۋ بولىپ سانالاتىن الەۋمەتتىك كودەكس جوباسىن ازىرلەۋ اياقتالعانىن ايتتى. قۇجاتتى بيىل قازان ايىندا ەل پارلامەنتىنىڭ قاراۋىنا ەنگىزۋ جوسپارلانۋدا. الەۋمەتتىك كودەكس جوباسىندا قاراستىرىلعان وڭ وزگەرىستەردى ىسكە اسىرۋدىڭ نەگىزگى قۇرالدارىنىڭ ءبىرى – وتباسىنىڭ تسيفرلىق كارتاسى.
«وتباسىنىڭ تسيفرلىق كارتاسى – قازاقستاندىق وتباسىلاردىڭ كەپىلدىك تۇرلەرى بويىنشا دەربەستەندىرىلگەن بازاسى. بۇل – مەملەكەت باسشىسىنىڭ تاپسىرماسى بويىنشا اعىمداعى جىلدىڭ 1 قىركۇيەگىنەن باستاپ ىسكە قوسىلعان مەملەكەتتىك كورسەتىلەتىن قىزمەتتەردى كورسەتۋدىڭ پرواكتيۆتى فورماتىنىڭ جاڭا قۇرالى. وسى جاڭالىقتىڭ ناتيجەسىندە مەملەكەت اقپاراتتىق جۇيە ارقىلى ازاماتقا قۇجاتتار توپتاماسىن جيناۋ جانە ءتيىستى مەملەكەتتىك ورگاندارعا جۇگىنۋ قاجەتتىلىگىنسىز مەملەكەتتىك قولداۋدىڭ قانداي دا ءبىر ءتۇرىن انىقتاپ, الۋعا ۇسىنىس جاساي الادى», دەدى ت.دۇيسەنوۆا.
2023 جىلدان باستاپ وتباسىنىڭ تسيفرلىق كارتاسى الەۋمەتتىك-ەڭبەك سالاسىنداعى بارلىق قىزمەتتى پرواكتيۆتى فورماتتا قامتۋعا مۇمكىندىك بەرەدى.
سونداي-اق مينيستر مەديتسينالىق ۇيىمداردىڭ اقپاراتتىق جۇيەلەرىنەن كەلىپ تۇسكەن دەرەكتەر نەگىزىندە پرواكتيۆتى سىرتتاي فورماتتا مەديتسينالىق-الەۋمەتتىك ساراپتامانى پيلوتتىق ەنگىزۋ تۋرالى حاباردار ەتتى. بۇگىنگى تاڭدا وسى فورماتتا 37 مىڭنان استام ءىس نەمەسە وسى سالاداعى مەملەكەتتىك قىزمەتتەردىڭ جالپى سانىنىڭ 22,4%-ى قارالدى.
سونىمەن قاتار مۇگەدەكتىگى بار ادامدارعا مەملەكەتتىك قىزمەتتەردى الۋعا قولجەتىمدىلىكتى ارتتىراتىن الەۋمەتتىك قىزمەتتەر پورتالى تۋرالى ايتىلدى.
«الەۋمەتتىك قىزمەتتەر پورتالى – مۇگەدەك ادامدارعا قىزمەت كورسەتەتىن تاۋارلاردىڭ, قىزمەتتەر مەن ۇيىمداردىڭ ەلەكتروندىق ۆيتريناسى. جەكە كابينەتكە كىرىپ, ادام قانداي وڭالتۋ قۇرالدارى نەمەسە ارنايى قىزمەتتەر وعان ەنەتىنىن بىردەن كورە الادى. جانە ول جەتكىزۋشىنى ءوزى تاڭدايدى. ەگەر قىزمەت نەمەسە تەحنيكالىق قۇرال ءۇشىن جيىنتىق سوما كەپىلدىك بەرىلگەن سوماعا سايكەس كەلسە, الۋشىعا ونى مەملەكەت وتەيدى. ەگەر بۇل سوما اسىپ كەتسە, قوسىمشا قارجىلاندىرىلادى», دەپ ءتۇسىندىردى ول.
ت.دۇيسەنوۆا مۇگەدەكتىگى بار ادامدار تۇراتىن وڭىرلەردە اشىلاتىن سىيىمدىلىعى از مەديتسينالىق-الەۋمەتتىك مەكەمەلەردى قۇرۋ بويىنشا جۇرگىزىلىپ جاتقان جۇمىستار تۋرالى دا حاباردار ەتتى.
سونىمەن قاتار تاعى ءبىر ەنگىزىلگەن تسيفرلىق قۇرال – ەلەكتروندىق ەڭبەك بيرجاسى. ەەب-دا ادامداردىڭ شامامەن 70-80%-ى جۇمىس ىزدەيدى جانە تابادى, سونداي-اق پلاتفورمادا ونلاين وقىتۋ جانە ەڭبەك شارتتارىن تىركەۋ جۇزەگە اسىرىلادى.
«ەلەكتروندىق ەڭبەك بيرجاسىندا مۇگەدەكتىگى بار ادامداردى قولداۋ تۇرعىسىنان ەكى مودۋل جۇمىس ىستەيدى – مبا ءۇشىن جۇمىس ورىندارى جانە قولجەتىمدىلىكتىڭ ينتەراكتيۆتى كارتاسى. سول ارقىلى الەۋمەتتىك نىسانداردىڭ قولجەتىمدىلىگىن, سونىڭ ىشىندە حالىقتىق باقىلاۋ شارالارىنىڭ كومەگىمەن باقىلاۋعا بولادى», دەدى ت.دۇيسەنوۆا.
مينيستر تسيفرلىق تەحنولوگيالاردى پايدالانۋ كورسەتىلەتىن الەۋمەتتىك قىزمەتتەر ساپاسىنىڭ وسۋىنە اكەلەتىنىن اتاپ ءوتتى.
ءوز كەزەگىندە, ۆيتسە-مينيستر ەربول وسپانوۆ قازاقستانداعى الەۋمەتتىك قىزمەت كورسەتۋ جۇيەسىنىڭ دامۋ كەزەڭدەرى تۋرالى, سونداي-اق ونى جاڭعىرتۋدىڭ الداعى جوسپارلارى, ونىڭ ىشىندە الەۋمەتتىك كودەكس جوباسى شەڭبەرىندە جوسپارلارى تۋرالى ەگجەي-تەگجەيلى ايتىپ بەردى.
ول قۇجاتتا حالىقتى الەۋمەتتىك قورعاۋدىڭ ادام قۇقىقتارىن شەكتەۋگە تەڭ قۇقىقتىق جانە جول بەرمەۋ, مەملەكەتتىك الەۋمەتتىك قولداۋ شارالارىنىڭ الدىن الۋ, ولاردىڭ اتاۋلىلىعى, قولجەتىمدىلىگى مەن سارالانعان كوزقاراس, مەملەكەت, جۇمىس بەرۋشىلەر مەن ازاماتتاردىڭ الەۋمەتتىك قامسىزداندىرۋ جۇيەسىندەگى ىنتىماقتاستىعى مەن ۇجىمدىق جاۋاپكەرشىلىگى جانە ت.ب. نەگىزگى قاعيداتتار كورىنىس تاپقانىن اتاپ ءوتتى.
«الەۋمەتتىك كودەكس جوباسىندا مەملەكەتتىڭ, جەكە سەكتوردىڭ, ۇكىمەتتىك ەمەس ۇيىمداردىڭ جانە ازاماتتاردىڭ ىنتىماقتى قاتىسۋىنا نازار اۋدارا وتىرىپ, الەۋمەتتىك قىزمەت كورسەتۋ جۇيەسىن ودان ءارى جاڭعىرتۋ كوزدەلەدى», دەپ حابارلادى ۆيتسە-مينيستر.
ول الەۋمەتتىك قىزمەت كورسەتۋ جۇيەسىن جاڭعىرتۋ اياسىندا جوسپارلانعان قايتا قۇرۋلاردىڭ نەگىزگى بىرنەشە اسپەكتىسىن كورسەتتى. وسىلايشا, ارناۋلى الەۋمەتتىك قىزمەتتەر كورسەتۋ جاۋاپتى فورماتقا كوشىرىلەدى. بۇعان جۇمىسپەن قامتىلماعان وتباسى مۇشەلەرى تارتىلادى, جالپى تاريفتەردىڭ جانە ت.ب. ورنىنا ارناۋلى الەۋمەتتىك قىزمەتتەردى جان باسىنا قارجىلاندىرۋ قاعيداتى ەنگىزىلەدى.
سونداي-اق كونفەرەنتسيادا تمد-عا قاتىسۋشى مەملەكەتتەردىڭ الەۋمەتتىك قىزمەت كورسەتۋ جۇيەسىندەگى جاڭا ادىستەر مەن تاسىلدەر, مۇگەدەك ادامداردىڭ قۇقىقتارىن وڭالتۋ جانە ساقتاۋ ماسەلەلەرى جانە ت.ب. قارالدى. ءىس-شارا سوڭىندا قاتىسۋشىلار الەۋمەتتىك قىزمەتتەردى دامىتۋ, ونىڭ ىشىندە مۇگەدەك ادامداردى وڭالتۋ بويىنشا قارار قابىلدادى, ونىڭ شەڭبەرىندە تمد-عا قاتىسۋشى مەملەكەتتەر الەۋمەتتىك قامسىزداندىرۋ جۇيەسىن ودان ءارى دامىتۋعا جانە مۇگەدەك ادامداردى قولداۋ جۇيەسىن جاڭعىرتۋعا, ونىڭ ىشىندە كۇش-جىگەر مەن حالىقارالىق ىنتىماقتاستىقتى شوعىرلاندىرۋ ارقىلى وزدەرىنىڭ ازىرلىكتەرىن راستادى.
