مۇحتار تىلەۋبەردى جاپونيانىڭ سىرتقى ىستەر ءمينيسترى يوشيماس حاياشيمەن كەلىسسوزدەر وتكىزدى. مينيستر پرەزيدەنت قاسىم-جومارت توقاەۆتىڭ جانە قازاقستان حالقىنىڭ اتىنان كوڭىل ايتىپ, س.ابەنىڭ ەلىمىزدىڭ جاقىن دوسى بولعانىن جانە ەكى مەملەكەت اراسىنداعى ءوزارا قارىم-قاتىناستى نىعايتۋعا قوماقتى ۇلەس قوسقانىن اتاپ ءوتتى.
كەلىسسوزدەر بارىسىندا تاراپتار تاريحي قىسقا مەرزىم ىشىندە قازاقستان مەن جاپونيا كەڭەيتىلگەن ستراتەگيالىق سەرىكتەستىك دەڭگەيىنە قول جەتكىزگەنىن جانە بيىل ديپلوماتيالىق قاتىناستاردىڭ ورناعانىنا 30 جىل تولعانىن اتاپ ءوتتى.
مينيسترلەر ەكىجاقتى قارىم-قاتىناستاردىڭ كەڭ اۋقىمدى ماسەلەلەرىن, ساۋدا-ەكونوميكالىق جانە ينۆەستيتسيالىق ىنتىماقتاستىقتى كەڭەيتۋ جولدارىن, سونداي-اق كوپجاقتى فورماتتاعى ءوزارا ءىس-قيمىلدى تالقىلادى. جوعارى جانە اسا جوعارى دەڭگەيدەگى الداعى ءىس-شارالار كەستەسى ەگجەي-تەگجەيلى قارالدى.
