مۇنداي جاعدايدا قان كەتۋدىڭ, انا مەن بالا ءولىمىنىڭ قاۋپى جوعارى. سوڭعى ۋاقىتقا دەيىن ءدال مۇنداي دياگنوزدان كەيىن پاتسيەنتتەر بوسانعاننان سوڭ جاتىرىن الىپ تاستايتىن. بىراق 2015 جىلدان باستاپ 3 كقا-نىڭ اكۋشەرلىك بلوگىندا, م.ع.ك., امۋ-ءنىڭ اكۋشەريا جانە گينەكولوگيا كافەدراسىنىڭ مەڭگەرۋشىسى زايتۋنا حاميدۋللينانىڭ جەتەكشىلىگىمەن اعزانى ساقتاپ قالۋ وپەراتسياسىنىڭ تەحنيكاسى ەنگىزىلدى.
ايتا كەتۋ كەرەك, مۇنداي وپەراتسيالار بۇگىندە الەمنىڭ بىرنەشە كلينيكاسىندا عانا جاسالادى.
پاتسيەنت جۇكتىلىك كەزىندە دياگنوزى تۋرالى ءبىلىپ, 3 كقا-داعى ورتالىققا جۇگىندى. 34 اپتا ىشىندە قان كەتكەن ناۋقاسقا جوعارى ساناتتى اكۋشەر-گينەكولوگ دارىگەر, PhD دوكتورى ايگۇل دۇيسەمباەۆا وتا جاسادى. دارىگەر كۇنى بۇگىنگە دەيىن ءدال وسىنداي 15 وتا جاساعان.
وپەراتسيالىق توپ 3 اكۋشەر-گينەكولوگ, ەكى ۋرولوگ, ەكى حيرۋرگ, ەكى انەستەزيولوگ, ەكى وپەراتسيالىق مەيىربيكەدەن قۇرالعان.
وپەراتسيا 2,5 ساعاتقا سوزىلىپ, ءساتتى ءوتتى.
بۇگىنگى تاڭدا انا مەن بالانىڭ ومىرىنە ەشتەڭە قاۋىپ ءتونىپ تۇرعان جوق, ەكەۋى دە وتادان كەىنگى ەرتە قالپىنا كەلتىرۋ كەزەڭىندە.
