ايماقتار • 24 قىركۇيەك، 2022

ەكىباستۇزدا قازاقستانداعى ەلەكتر وندىرەتىن ەڭ ۇلكەن ستانتسيا سالىنۋدا

80 رەت كورسەتىلدى

ستانتسيانىڭ جوبالىق قۋاتتىلىعى 4 مىڭ مەگاۆاتتى قۇرايدى، دەپ حابارلايدى Egemen.kz pavlodarnews.kz-كە سىلتەمە جاساپ.

پاۆلودار وبلىسىنا جۇمىس ساپارىمەن كەلگەن ەنەرگەتيكا ءمينيسترى بولات اقشولاقوۆ «ب.نۇرجانوۆ اتىنداعى ەكىباستۇز 1-ماەس» جشس-دە بولدى. 

كاسىپورىننىڭ باس ديرەكتورى ەرجان ەرتاەۆ جىل سايىن ەلەكتر ەنەرگياسىن ءوندىرۋ كولەمى ارتىپ جاتقانىن اتاپ ءوتتى. 

- 2021 جىلى 22،8 ميلليارد كيلوۆاتت ەلەكتر ەنەرگياسى ءوندىرىلدى. بۇل سوڭعى 35 جىلداعى رەكورد. بۇعان دەيىن بۇنداي كورسەتكىش 1986 جىلى بولعان، - دەدى ەرجان ەرتاەۆ.


قازىر 1-ماەس-تە №3، 4 جانە 6 ەنەرگوبلوكتا اعىمداعى جوندەۋ جۇمىستارى اياقتالدى. ودان بولەك، كەستەگە سايكەس №2 ەنەرگوبلوكتا كۇردەلى جوندەۋ، №7 جانە 8 بلوكتا اعىمداعى جوندەۋ جۇرگىزىلەدى. 

سونىمەن قاتار، ەرجان ەرتاەۆ قازىر №1 ەنەرگوبلوكتى قالپىنا كەلتىرۋ جۇمىستارى اتقارىلىپ جاتقانىن اتاپ ءوتتى. 

- بۇل قازاقستانداعى ەڭ كوپ ەلەكتر وندىرەتىن ستانتسيا بولماق. جالپى ينۆەستيتسيا كولەمى - 162 ميلليارد تەڭگە. بۇنداعى جۇمىستار 2012 جىلى باستالعان. 2023 جىلدىڭ جەلتوقسانىندا اياقتالادى. جوبانىڭ ماقساتى – قۋاتتىلىقتى 4 مىڭ كيلوۆاتتقا دەيىن جەتكىزۋ. بىراق جوبا توقتاتىلىپ، 2021 جىلى سمەتالىق-قۇجاتتاماسىنا وزگەرىستەر ەنگىزىلدى. قازىر كەستەگە تۇزەتۋلەر ەنگىزىلگەن. جىل سوڭىنا دەيىن كەستەنى قۋىپ جەتەمىز دەگەن ويدامىن، - دەدى ەرجان ەرتاەۆ.

photo1663994802.jpeg
مينيسترلىكتىڭ اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ توراعاسى سۇڭعات ەسىمحانوۆ جوبا نەلىكتەن توقتاعانىن ايتتى. 

- سول كەزدە مينيسترلىكپەن ينۆەستيتسيا بويىنشا كەلىسىم بولمادى. بىراق مينيسترلىكتىڭ ۇيعارۋىمەن جۇمىس 2024 جىلى اياقتالۋى كەرەك بولعان. كەيىن 1 جىلعا ىلگەرىلەتىلدى، - دەدى سۇڭعات ەسىمحانوۆ.


باس ديرەكتور قازىر №1 ەنەرگوبلوك بويىنشا ماسەلەلەر جوق ەكەنىن جانە ماتەريالدار مەن قارجى بار ەكەنىن اتاپ ءوتتى. 

قۇرىلىس جۇمىستارى بارىسىندا 500 جۇمىس ورنى اشىلدى. ال، ستانتسيانىڭ ىسكە كىرىسكەندە شتاتتا بارلىعى 1443 ادام جۇمىس ىستەيدى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار