قوعام • 23 قىركۇيەك، 2022

قاڭتارداعى تارتىپسىزدىكتەرگە قاتىسقان 1500-دەن استام ادامعا راقىمشىلىق جاسالادى

135 رەت كورسەتىلدى

باس پروكۋراتۋرا «راقىمشىلىق تۋرالى قازاقستان رەسپۋبليكاسى زاڭىنىڭ جوباسى» رەتتەۋ ساياساتىنىڭ كونسۋلتاتيۆتىك قۇجاتىن دايىندادى، دەپ حابارلايدى Egemen.kz.

باس پروكۋراتۋرانىڭ مالىمەتىنشە، قازىرگى ۋاقىتتا تەرگەۋدە جۇرگەن نەمەسە سوتتالعان 1520 ادام راقىمشىلىققا تۇسەدى، ولاردىڭ ىشىندە:

  • سوتقا دەيىنگى تەرگەۋ كەزەڭىندە 391 قىلمىستىق ءىس بويىنشا 383 كۇدىكتى ۇستالدى;
  • سوت وندىرىسىندە - 36 ىسكە 102 كۇدىكتى بار.

قازىردىڭ وزىندە 1035 ادام سوتتالدى، ولاردىڭ 93-ءى باس بوستاندىعىنان ايىرۋ ورىندارىندا جازاسىن وتەپ جاتىر، 930-ى پروباتسيادا، تاعى 9 سوتتالعان قوعامدىق جۇمىستارعا تارتىلدى، 3-ۋىنە ايىپپۇل سالىندى.

قىلمىستىق تەرىس قىلىقتار مەن ونشا اۋىر ەمەس جانە اۋىرلىعى ورتاشا قىلمىستار جاساعان ادامداردى قىلمىستىق جاۋاپتىلىقتان تولىق بوساتۋ ۇسىنىلادى. اۋىر جانە اسا اۋىر قىلمىستار جاساعان ادامدارعا جازا مەرزىمى قىسقارتىلۋى مۇمكىن.

بۇل رەتتە زاڭ جوباسىنىڭ كۇشى مەملەكەتكە وپاسىزدىق جاساۋعا، جاپپاي تارتىپسىزدىكتەردى ۇيىمداستىرۋعا، سىبايلاس جەمقورلىق قىلمىستارعا، تەرروريستىك قىلمىستارعا، ەكسترەميستىك قىلمىستارعا، ازاپتاۋلارعا بايلانىستى قىلمىستار جاساعان، سونداي-اق قىلمىستاردىڭ قايتالانۋى نەمەسە قىلمىستاردىڭ قاۋىپتى قايتالانۋى كەزىندە جازا تاعايىندالعان ادامدارعا قولدانىلمايدى دەپ كورسەتىلەدى.

زاڭ جوباسىن ازىرلەۋگە مەملەكەت باسشىسىنىڭ 2022 جىلعى 1 قىركۇيەكتەگى قازاقستان حالقىنا جولداۋى نەگىز بولدى، وندا ول قاڭتارداعى وقيعالارعا قاتىسۋشىلارعا ءبىر رەتتىك راقىمشىلىق جاساۋدى تاپسىردى.

قۇجات 14 قازانعا دەيىن اشىق نقا سايتىندا جاريا تالقىلاۋ ءۇشىن ورنالاستىرىلعان.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار