21 قىركۇيەك كۇنى پاۆلودار وبلىسىنىڭ توتەنشە جاعدايلار دەپارتامەنتىنە بەلگىسىز بىرەۋ قالا مەكتەپتەرىنىڭ بىرىنە تەرروريستەر كىرىپ, جارىلعىش زات قويىپ كەتكەنى تۋرالى حابارلاما ءتۇستى.
«اكادەميك شوكين, 27 كوشەسىندەگى باۋىرجان مومىش ۇلى اتىنداعى جوببم-دە تەرروريستەر بار», دەلىنگەن حابارلامادا.
كورسەتىلگەن مەكەنجايعا شۇعىل قىزمەتتەر جىبەرىلىپ, مىڭنان استام وقۋشى مەن پەرسونالدىڭ 83 مۇشەسى ەۆاكۋاتسيالاندى. ال ساپەرلەر مەكتەپكە تەكسەرۋ جۇرگىزدى.
وبلىستىق پد ءباسپاسوز قىزمەتى ماماندار مەكتەپتە جارىلعىش زات تاپپاعانىن حابارلادى. قر قك 273-بابى بويىنشا سوتقا دەيىنگى تەرگەۋ باستالدى.
«جالعان حابارلاۋ فاكتىسىنە قاتىسى بار تۇلعانى انىقتاۋ بويىنشا ءىس-شارالار ءوز جەمىسىن بەردى, ال پاۆلودارلىق پوليتسەيلەر كوپ ۇزاماي كىنالىنى ۇستادى. ول سول مەكتەپتىڭ وقۋشىسى بولىپ شىقتى», دەلىنگەن حابارلامادا.
