اقتوبە وبلىسىنىڭ قۇرىلعانىنا 90 جىل تولۋىنا ارناپ ۇيىمداستىرىلعان وسى تاماشا شاراعا قاتىسۋعا الدىن الا 156 ءوتىنىش تۇسكەن.
گۇلدى جانى نازىك, تابيعاتتى سۇيەتىن جاندار عانا وسىرە الادى. تابيعاتتى ايالاۋعا, وسكەلەڭ ۇرپاقتى كوركەمدىكتى باعالاۋعا ۇيرەتەتىن تاربيەلىك ءمانى زور ءىس-شاراعا كوگالداندىرۋمەن اينالىساتىن ماماندار دا قاتىسىپ, كەلۋشىلەرگە تەگىن كەڭەستەر بەردى. باۋ-باقشا يەلەرى جاز بويى ايالاپ وسىرگەن گۇلدەرىن قۇمىراعا سالىپ اكەلىپ كورسەتىپ, ونىڭ جەرگىلىكتى جاعدايدا ءوسىرىلۋ ەرەكشەلىكتەرى, كۇتىمى تۋرالى ماعلۇماتتارمەن تانىستىردى. قالا تۇرعىندارى گۇلدەر جارمەڭكەسىنەن وزدەرى ۇناتقان كوپجىلدىق گۇلدەر كوشەتتەرى مەن تۇقىمدارىن, باقشا ونىمدەرىن كوپتەپ ساتىپ الدى. جەرگىلىكتى ونەرپازدار كونتسەرت قويدى.
فەستيۆال سوڭىندا ەڭ ۇزدىك گۇل ءوسىرۋشى اتالىمى بويىنشا ەرەكشەلەنگەن قاتىسۋشىلار ماراپاتتالدى. اقتوبە قالاسى اكىمىنىڭ ورىنباسارى ايبەك كوپەنوۆتىڭ ايتۋىنشا, ادىلقازىلار القاسىنا ەڭ ۇزدىك گۇل ءوسىرۋشىنى انىقتاۋ قيىنعا تۇسكەن. ادەمىلىكتى ناسيحاتتايتىن قاتىسۋشىلاردى ىنتالاندىرۋ ءۇشىن ۇزدىك گۇل وسىرۋشىلەر توعىز نوميناتسيا بويىنشا ماراپاتتالدى. قىركۇيەكتىڭ جايماشۋاق كۇنىندە ۇيىمداستىرىلعان تاماشا ءىس-شاراعا كەلگەندەرگە كوتەرىڭكى كوڭىل كۇي سىيلادى. جۇرتشىلىق گۇلدەر فەستيۆالىن جىل سايىن تاپ وسى ۋاقىتتا وتكىزىپ تۇرۋدى ۇسىنىس ەتتى.
اقتوبە
