قازا تاپقانداردىڭ ىشىندە ديقاندار مەن اۋىل شارۋاشىلىعى القاپتارىنىڭ جۇمىسشىلارى بار.
«شتاتتىڭ 10-عا جۋىق وكرۋگىنەن قايتىس بولعاندار تىركەلدى. پۋرنيا مەن اراريادا ءتورت ادام, سۋپاۋل اۋدانىندا ءۇش ادام, بانكتە ەكى ادام قايتىس بولعان. سونداي-اق دجامۋي مەن ناۆادادا جانە بەگۋساراي, شەيحپۋر, ساران جانە ساحارسادا ءبىر ادامنان قازا تاپقان», دەدى جەرگىلىكتى تجد وكىلدەرى.
بيحار شتاتىنىڭ باس ءمينيسترى نيتيش كۋمار قازا تاپقانداردىڭ وتباسىلارىنا 400 مىڭ ءۇندى رۋپياسى (شامامەن 5023 اقش دوللارى) كولەمىندە اقشالاي وتەماقى بولىنەتىنىن حابارلادى.
«ادامدار نايزاعايدان قورعانۋ ءۇشىن توتەنشە جاعدايلار جونىندەگى ۇلتتىق اگەنتتىكتىڭ نۇسقاۋلارىن ورىنداۋى كەرەك. قولايسىز اۋا-رايىندا ۇيدە بولۋ قاجەت», دەپ جازدى ن.كۋمار Twitter پاراقشاسىندا.
