قالا باسشىسى «بىرگە تازا قازاقستان» ەكوايلىعى مەن «دۇنيەجۇزىلىك تازالىق كۇنى» دۇنيەجۇزىلىك ەكواكتسياسىنىڭ اياسىندا جالپىقالالىق سەنبىلىك باستالعانىن ەسكە سالدى. سەنبىلىك اياسىندا اكىم «وتاۋ» شاعىن اۋدانىنىڭ تۇرعىندارىمەن بىرگە اعاش وتىرعىزۋعا قاتىستى.
«وتاۋدا» قولجەتىمدى جەڭىلدەتىلگەن تۇرعىن ءۇي شاعىن اۋدانىن سالدىق. ءبىزدىڭ الدىمىزدا شاعىن اۋداندى ودان ءارى دامىتۋ بويىنشا بىرقاتار مىندەتتەر تۇر. كەزدەسۋدە قالا تۇرعىندارى الەۋمەتتىك نىساندار (مەكتەپتەر, بالاباقشالار, ەمحانالار) قۇرىلىسى, اۋداندى اباتتاندىرۋ (اۋلا اۋماقتارى), قوسىمشا اۆتوبۋس مارشرۋتتارىن ىسكە قوسۋ, جىلى ايالدامالار ورناتۋ, جولداردى سالۋ جانە جوندەۋ, ينتەرنەت ساپاسىن جاقسارتۋ, قۇرىلىس سالۋشى تاراپىنان قۇرىلىس كەمشىلىكتەرى بويىنشا ءوز ۇسىنىستارىن ءبىلدىردى, سونداي-اق كاناليزاتسيالاردىڭ جۇمىسى, ساۋدا ازىق-ت ۇلىك دۇكەنىن اشۋ بويىنشا ماسەلەلەر ورتاعا سالىندى», دەپ جازدى قالا باسشىسى.
سونداي-اق ول شاعىن اۋداندا ەكى مەكتەپ سالۋ جوسپارلانعانىن ايتتى.
«وزدەرىڭىز بىلەتىندەي, قازىر ءبىز ءىرى مەكتەپتەردىڭ قۇرىلىسىن جۇرگىزىپ جاتىرمىز. قازىر جوبالىق-سمەتالىق قۇجاتتاما ازىرلەنۋدە. سونىمەن قاتار, ەگجەي-تەگجەيلى جوسپارلاۋ جوباسىندا (ەگجەي-تەگجەيلى جوسپارلاۋ جوباسى) بالاباقشا سالۋعا ارنالعان جەر دە قاراستىرىلعان. سونداي-اق گيپەرماركەت قۇرىلىسىنا ارنالعان جەر تەلىمى دە بار. كەلىپ تۇسكەن سۇراقتار جۇمىسقا الىندى, بىرقاتار ماسەلەلەردى قىسقا مەرزىمدە شەشەمىز, جۇيەلىك ماسەلەلەر بويىنشا كوبىرەك ۋاقىت قاجەت بولادى», دەپ قورىتىندىلادى ەلوردا اكىمى.
