«ەسىرتكىنى ساتىپ العانى جانە ساتقانى ءۇشىن بىرنەشە رەت سوتتى بولعان 39 جاستاعى ب. ەسىمدى ازاماتشا ەسىرتكى ءوندىرۋ وشاعىن ۇيىمداستىرعانى جانە قامتاماسىز ەتكەنى ءۇشىن ۇستالدى. اتالعان دەرەك بويىنشا تۇركسىب اۋداندىق پب تەرگەۋ بولىمىندە قر قك-ءنىڭ 302-بابى 1-بولىگى (ەسىرتكى, پسيحوتروپتىق زاتتاردى, سول تەكتەستەردى تۇتىنۋ ءۇشiن پريتوندار ۇيىمداستىرۋ نەمەسە ولاردى ۇستاۋ جانە وسى ماقساتتار ءۇشiن ءۇي-جايلار بەرۋ) بويىنشا قىلمىستىق ءىس قوزعالدى. ايەل ادام ءۇيىن ناشاقورلارعا بەرىپ, سينتەتيكالىق ەسىرتكى ساتۋمەن اينالىسقان. سوڭعى ساتىپ الۋدا كۇدىكتى مەن ونىڭ دوسى تۇراقتى تۇتىنۋشىعا اق ۇنتاقتى جانە ەرەكشە ءيىسى بار پوليەتيلەن بۋماسىن ساتقان. ساراپتاما قورىتىندىسىنا سايكەس, بۇل – سينتەتيكالىق ەسىرتكى», دەدى الماتى قالالىق پوليتسيا دەپارتامەنتى ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
ۇستالعان ساتتە پاتەردە يەسىنەن باسقا ءۇش ەر ادام بولعان. ولاردىڭ ەسىرتكى قولدانعانى انىقتالدى. رۇقسات ەتىلگەن ءتىنتۋ كەزىندە پوليتسەيلەر 19 مەديتسينالىق پيپەتكا مەن شپريتس تاركىلەدى.
