2022 جىلى العاشقى مەديتسينالىق-سانيتاريالىق كومەك كورسەتەتىن 626 مەديتسينالىق ۇيىم قورمەن شارت جاساستى. ونىڭ 326-سى (53%) مەملەكەتتىك مەكەمە جانە 258-ءى (47%) جەكەمەنشىك. ولاردىڭ ءتىزىمىن قوردىڭ fms.kz سايتىندا, «كلينيكانى تاڭداۋ» بولىمىنەن كورۋگە بولادى. پاتسيەنت العاشقى مەديتسينالىق سانيتاريالىق كومەك كورسەتەتىن مەملەكەتتىك, سونىمەن قاتار جەكەمەنشىك ۇيىمعا تiركەلە الادى. الدىن الا سiز تاڭداعان كلينيكادا بوس ۋچاسكەلەر بار-جوعىن ناقتىلاپ العانىڭىز ابزال.
تىركەۋ ناۋقانى نە ءۇشىن قاجەت؟
اتالعان اكتسيا ەلىمىزدە جىل سايىن وتكىزىلەدى. ناۋقان كەزىندە قازاقستاندىقتار وزدەرى تىركەۋدە تۇرعان ەمحانانىڭ جۇمىسىنا قاناعاتتانباسا, باسقا ەمحاناعا اۋىسا الادى نەمەسە ءوز ەمحاناسى ىشىندە باسقا ۋچاسكەلىك دارىگەردى تاڭداۋعا مۇمكىندىگى بار.
العاشقى مەديتسينالىق-سانيتاريالىق كومەك ۇيىمىنا تىركەلگەن پاتسيەنت ۋچاسكەلىك دارىگەردىڭ قابىلداۋى, ءوزىنىڭ دەنساۋلىق جاعدايىن باقىلاۋ, امبۋلاتوريالىق ءدارى-دارمەكپەن قامتاماسىز ەتۋ, سكرينينگتىك تەكسەرۋلەر, دياگنوستيكالىق زەرتحانالىق جانە اسپاپتىق زەرتتەۋلەر سىندى مەديتسينالىق كومەك پەن ەمدەۋگە جاتقىزۋعا جولداما الادى.
مەديتسينالىق كومەكسىز قالماۋى ءۇشىن ەل ازاماتتارى تۇرعىلىقتى جەرى بويىنشا ەمحانادا نەمەسە ەلەكتروندىق ۇكىمەت ۆەب-پورتالىنداعى جەكە دەرەكتەردە (ەتسق ارقىلى اۆتوريزاتسيالاۋ) تىركەلۋ مارتەبەسىن تەكسەرۋ قاجەت.
ايتا كەتەرلىگى, تىركەۋ ناۋقانى پاتسيەنتكە 2023 جىلدىڭ 1 قاڭتارىنان باستاپ قىزمەت كورسەتەتىن كلينيكانى تاڭداۋىنا مۇمكىندىك بەرەدى.
ەمحانانى تاڭداۋ كەزىندە نەنى ەسكەرۋ قاجەت؟
ەمحانا تاڭداۋدا باستى ەسكەرەتىن جايت – ول ۇيدەن 15-20 مينۋت ۋاقىتتا جاياۋ جەتەتىن جەردە ورنالاسقانى ءجون. بارلىق ەمحانالار اۋماقتىق قاعيدات بويىنشا جۇمىس ىستەيدى جانە پاتسيەنت ەمحانانىڭ قىزمەت كورسەتۋ اۋماعىندا تۇرعان كەزدە عانا ۇيدە مەديتسينالىق كومەك كورسەتىلەدى. بۇل ۋچاسكەلىك دارىگەردىڭ نەمەسە ءموبيلدى بريگادانىڭ كومەگى قاجەت بولعان جاعدايدا ونىڭ جەدەل جەتۋىنە, سونداي-اق, وتباسى مۇشەلەرىنىڭ ءبىر دارىگەرگە قارالۋىنا مۇمكىندىك بەرەدى.
ەمحاناعا قالاي تىركەلۋگە بولادى؟
ءبىرىنشى ءادىس, بۇل بارلىق ازاماتتارعا ارنالعان. ەلەكتروندىق ۇكىمەتتىڭ ۆەب-پورتالى ارقىلى بەكىتۋ: www.egov.kz سايتىنداعى «دەنساۋلىق ساقتاۋ» بولىمىندە «مەديتسينالىق-سانيتاريالىق العاشقى كومەك كورسەتەتىن مەديتسينالىق ۇيىمعا تىركەلۋ» قىزمەتىن تاڭداۋ قاجەت. ارى قاراي ەلەكتروندىق ءوتىنىشتىڭ بارلىق جولدارىن تولتىرۋ قاجەت. پاتسيەنت تۋرالى مالىمەتتەردى ەمحانا مەملەكەتتىك اقپاراتتىق جۇيەلەردەن اۆتوماتتى تۇردە الادى. جاۋاپ وڭ بولعان جاعدايدا مەديتسينالىق ۇيىمعا تىركەلگەنىڭىز تۋرالى حابارلاما بەرىلەدى.
ەكىنشى ءادىس بۇل, حالىقتىڭ جەكەلەگەن ساناتتارىنا ارنالعان. ولار ەمحاناعا جەكە باسىن كۋالاندىراتىن قۇجاتپەن تىكەلەي جۇگىنە الادى. اتاپ ايتار بولساق, ولار زەينەتكەرلەر, مۇگەدەكتەر, قامقورشىلار تاعايىندالعان زاڭ بويىنشا بالا كەزىنەن مۇگەدەكتەر, قورعانشىلار نەمەسە قامقورشىلار, پاتروناتتىق تاربيەشىلەر, كولونيادا جازاسىن وتەۋشىلەر, ستۋدەنتتەر, مەرزىمدى قىزمەت اسكەري قىزمەتشىلەرى, شەت مەملەكەتتەردە تۋعان بالالار, سەنىمحات بويىنشا بەكىتۋدى راسىمدەيتىندەر.
تىركەلۋ ناۋقانىنا بارلىعى قاتىسۋى كەرەك پە؟
ەمحانانى ەركىن تاڭداۋ قۇقىعىن پايدالانباعان ازاماتتار بۇرىن ءوزى قارالعان العاشقى مەديتسينالىق-سانيتاريالىق كومەك ۇيىمىندا تىركەلگەن كۇيى قالادى.
ەگەر مەديتسينالىق كومەك كورسەتۋ ساپاسىنا قاتىستى سۇراقتارىڭىز بولسا, ءسىز ولاردى ءوز ەمحاناڭىزداعى پاتسيەنتتەردى قولداۋ قىزمەتىنە قويا الاسىز. ەگەر جاعدايدى سول جەردە شەشۋ مۇمكىن بولماسا, وندا الەۋمەتتىك مەديتسينالىق ساقتاندىرۋ قورىنا ىڭعايلى بايلانىس ارنالارى ارقىلى جۇگىنۋگە بولادى.
ساقتاندىرۋ مارتەبەسىن تەكسەرۋ جانە جۇرگىزىلگەن تولەمدەر تۋرالى egov.kz قر ەلەكتروندىق ۇكىمەتى سايتىنىڭ «دەنساۋلىق ساقتاۋ» بولىمىندە «مەديتسينالىق قىزمەتتەر تۋرالى جانە ءمامس-كە اۋدارىلعان سومالار تۋرالى اقپارات» مەملەكەتتىك قىزمەتى ارقىلى بىلۋگە بولادى.
