فوتو: instagram.com/dimash.news/
«گەنا تەلەفون سوعىپ, «ەلدىڭ اتىنان ونەر كورسەتىپ جاتىرمىن, سوندىقتان گيمندى ايتىپ بەرۋىڭدى سۇرايمىن» دەپ قولقا سالدى. ءوزىنىڭ كونتسەرتى تاقالىپ تۇرعانىنا قاراماستان, سوعان بارىپ كەلمەك. اللا تىلەگىڭدى بەرسىن دەپ شىعارىپ سالدىم. ەندى جىگىتتەردىڭ جەڭىسپەن كەلۋىن تىلەيمىز», دەدى ديماشتىڭ اكەسى.
سونداي-اق بۇل اقپارات DimashNews Insagram پاراقشاسىندا دا جاريالاندى.
«ەلىمىزدىڭ ءبىرتۋار سپورتشىسى گەنادي گولوۆكيننىڭ ارنايى شاقىرتۋىمەن 17 قىركۇيەك كۇنى لاس ۆەگاس قالاسىندا وتەتىن GGG - Canelo 3 جەكپە-جەگى الدىندا ديماش قۇدايبەرگەن مەملەكەتتىك گيمندى ورىنداپ, باتىرىمىزعا قولداۋ كورسەتەدى», دەلىنگەن حابارلامادا.
ايتا كەتەيىك, گولوۆكين-«كانەلو» جەكپە-جەگىن «Qazaqstan» جانە «Qazsport» تەلەارنالارى تىكەلەي ەفيردە كورسەتەدى.
