الماتى اكىمدىگىنىڭ قوعامدىق دامۋ باسقارماسى جانە وڭىرلىك كوممۋنيكاتسيالار قىزمەتىنىڭ ۇيىمداستىرۋىمەن جاريالانعان بايقاۋ قورجىنىنا 70-تەن استام ماتەريال كەلىپ تۇسكەن. قازىلار القاسى ۇزدىك جۇمىستارىن قاراپ, جۋرناليستەر مەن بلوگەرلەر اراسىنان 10 جەڭىمپازدى تاڭدادى.
ءداستۇرلى ءىس-شاراعا اينالعان شىعارماشىلىق بايقاۋعا قالا ومىرىنە قاتىستى ماتەريالدار جۋرناليستەر, فوتوتىلشىلەر, بەينەوپەراتورلار, بلوگەرلەردەن كەلىپ تۇسكەن. ۇمىتكەرلەر اراسىندا ينتەرنەت-رەسۋرستاعى «الماتى ءومىرى تۋرالى ۇزدىك لونگريد» اتالىمى ۇلكەن قىزىعۋشىلىق تۋدىردى. تاقىرىپقا وراي, اسىرەسە فوتوگرافتاردان كوپتەگەن جۇمىس كەلىپ تۇسكەن.
الماتى قالالىق قوعامدىق دامۋ باسقارماسى باسشىسىنىڭ ورىنباسارى رەنات بەكبەرگەنوۆ جۋرناليستەر جۇمىسىنىڭ ماڭىزدىلىعىن اتاپ ءوتىپ, قالانىڭ دامۋ بارىسىنا قاتىستى ماتەريالدار دايىنداپ, جاريالاۋعا ەرەكشە كوڭىل بولگەن بۇقارالىق اقپارات قۇرالدارى وكىلدەرىنە العىسىن ءبىلدىردى. رەنات بەكبەرگەنوۆتىڭ ايتۋىنشا, بايقاۋ قورجىنىنا تۇسكەن بارلىق جۇمىس نازار اۋدارارلىقتاي. ول جەڭىمپازداردى كەلە جاتقان قالا كۇنىمەن قۇتتىقتاپ, قوعامداعى جاۋاپكەرشىلىگى جوعارى ءىستى اتقارىپ جۇرگەن قالام يەلەرىنە شىعارماشىلىق ساتتىلىك تىلەدى.
بايقاۋ قورىتىندىسىنان ءمالىم بولعانىنداي رەسپۋبليكالىق «Egemen Qazaqstan» گازەتىنىڭ ءتىلشىسى ارمان وكتيابردىڭ ماقالاسى «الماتى ءومىرى تۋرالى ۇزدىك اۆتورلىق جاريالانىم» دەپ تانىلدى.
جەڭىمپازدارعا ۇيىمداستىرۋشىلار تاعايىنداعان ارنايى سىيلىقتار تابىس ەتىلدى.
الماتى
