ءار سەنبى سايىن ساعات 11.00-13.00 ارالىعىندا مەديتسينالىق ورتالىق اۋرۋحاناسىنىڭ نەيروحيرۋرگتەرى پاتسيەنتتەردى تەگىن قابىلدايدى. اكتسيا ەمدەلگەن جاعدايلاردىڭ سانىن ارتتىرۋعا جانە اۋرۋحانانىڭ نەيروحيرۋرگيالىق باعىتىن دارىپتەۋگە باعىتتالعان.
ء«بىز سەنبى سايىن قابىلداۋدىڭ كەزەكشىلىك كەستەسىن قۇردىق, بۇل بويىنشا 2 ساعات تەگىن كەڭەس بەرەمىز. سونداي-اق سەنبى كۇنى دارىگەرگە قارالۋ جۇمىس ىستەيتىن حالىق ءۇشىن ىڭعايلى ۋاقىت», دەدى قر ءپىب مەديتسينالىق ورتالىعى اۋرۋحاناسىنىڭ نەيروحيرۋرگ-دارىگەرى ازات شپەكوۆ.
بۇل اكتسيا ورتالىق جانە پەريفەريالىق جۇيكە جۇيەسىنىڭ ءارتۇرلى اۋرۋلارى بار ادامدارعا كومەك كورسەتۋ ماقساتىندا وتكىزىلەدى (مي تامىرلارىنىڭ اۋرۋلارى, وستەوحوندروز, ديسكىلەردىڭ پروترۋزيالارى مەن گرىجالارى, مي ىسىكتەرى, گيدروتسەفاليا, مويامويا اۋرۋى, گيدروتسەفاليا, مالفورماتسيا كياري, فارماكورەزيستەنتتى ەپيلەپسيا, ءۇش تارماقتى جۇيكە نەۆرالگياسى, گەميفاتسيالدىق ءتۇيىلۋ, قۇلاقتاعى شۋ, پاركينسون, باس اۋرۋلارى).
