«ەڭ ءىرى شتاتتان تىس بيرجالار اپتا سايىن جاڭارتىلادى. اي سايىن اقپارات, جىلجىتۋ الگوريتمدەرى, ەسەپتەۋلەر, كوميسسيالار جانە ت.ب. وزگەرەدى. كۋرس بارىسىندا ءبىز Upwork-تا 100% job success score رەيتينگى بار top-rated ماماندارىنان سوڭعى اقپاراتتى جينادىق. ءبىز تەك جەكە تاجىريبەمىزبەن ءبولىسىپ قانا قويماي, تاپسىرىس بەرۋشى تاراپىنان كوزقاراسىمىزدى كورسەتەمىز جانە ونداعان باسەكەلەس فريلانسەرلەر اراسىندا ءتىزىمنىڭ جوعارى كوتەرىلۋىنە كەپىلدىك بەرۋ ءۇشىن وقۋشىلاردىڭ بەيىنىن ىلگەرىلەتۋ الگوريتمدەرىن باپتاۋعا كومەكتەسەمىز», دەپ اتاپ ءوتتى ءبىلىم بەرۋ باعدارلامالارى كەڭسەسىنىڭ ديرەكتورى ازيز تىلەۋمۇراتوۆ.
كۋرس پلاتفورمادا ساتۋ ءپروفيلىن قۇرۋدان باستاپ تاپسىرىستىڭ جابىلۋىنا دەيىنگى ەڭ وزەكتى ماسەلەلەردى قوزعايدى جانە مونەتيزاتسيا تاسىلدەرىنە باسا نازار اۋدارادى. Freelance School باعدارلاماسى جاڭادان باستاۋشىلارعا دا تاجىريبەلى فريلانسەرلەرگە دە پايدالى بولادى: اركىم وزدەرى ءۇشىن قاجەتتى تاجىريبە تاۋىپ, بولاشاقتا جوعارى اقى تولەنەتىن تاپسىرىستار الۋ ءۇشىن ءوز قۇزىرەتتىلىكتەرىن جاقسارتا الادى.
وقۋ قورىتىندىسى بويىنشا وقۋشىلار تولىعىمەن دايىن ساتۋ ءپروفيلىن جاساي الادى, فريلانسەردى تاڭداۋ كەزىندە تاپسىرىس بەرۋشىنىڭ باسىمدىقتارىن ءتۇسىنۋدى, كوميسسيالار, الىمدار, سالىقتار تۋرالى ءبارىن ءبىلۋدى, داۋلى جاعدايلاردى شەشۋدى ۇيرەنەدى.
ونلاين وقىتۋ 4 اپتاعا سوزىلادى جانە بەينە دارىستەردەن, پراكتيكالىق ۆەبينارلاردان, ترەنينگتەن تۇرادى. قورىتىندىسى بويىنشا كۋرستىڭ ءاربىر تۇلەگىنە وقۋدان وتكەنى تۋرالى سەرتيفيكات بەرىلەدى.
Freelance School باعدارلاماسىنا قاتىسۋعا وتىنىمدەر 17 قىركۇيەككە دەيىن قابىلدانادى.
