قايىرىمدىلىق ءىس-شاراسىنا ەلوردا ەتنومادەني بىرلەستىكتەرىنىڭ وكىلدەرى, قحا كاسىپكەرلەر قاۋىمداستىعى, سونداي-اق نازارباەۆ ۋنيۆەرسيتەتى جوعارى بيزنەس مەكتەبى تۇلەكتەرىنىڭ قاۋىمداستىعى, «Alumni of Nazarbayev University School of business» كەۇ, مەتسەناتتار, بيزنەسمەندەر جانە قالا تۇرعىندارى بەلسەندى قاتىستى.
نۇر-سۇلتان قالاسى ىشكى ساياسات باسقارماسىنىڭ باسشىسى داۋرەن بابامۇراتوۆتىڭ ايتۋىنشا, ەلورداداعى قايىرىمدىلىق شتابى وتكەن جەكسەنبىدەن باستاپ تاۋلىك بويى جۇمىس ىستەپ كەلەدى. ء«تىلسىز جاۋدان زارداپ شەككەندەرگە العاشقى كومەك كورسەتتىك. اپات تۋرالى بىلگەن بويدا نۇر-سۇلتان قالاسىنان 8 جۇك كولىگىن جىبەردىك. قايىرىمدىلىق اكتسيامىز مۇنىمەن اياقتالمايدى, بىزگە مۇمكىندىگىنشە قۇرىلىس ماتەريالدارى نەمەسە ءتيىستى قايىرىمدىلىق شوتتارعا اقشالاي كومەك قاجەت دەگەن اقپاراتتار كەلىپ ءتۇستى. ءبىزدىڭ قامقورلىعىمىز بەن قولداۋىمىز قوستانايلىقتارعا اۋىر زارداپتاردان ايىعۋعا كومەكتەسەدى دەپ ۇمىتتەنەمىز», دەدى داۋرەن بابامۇراتوۆ.
«قوستانايداعى اپات ەشكىمدى بەيجاي قالدىرعان جوق. ءبىز ءبارىمىز قوستانايلىقتار ءۇشىن الاڭداپ وتىرمىز. ارقايسىسىمىزدىڭ ازاماتتىق پارىزىمىز – ورتتەن زارداپ شەككەندەرگە كومەك قولىن سوزىپ, كومەكتەسۋ جانە وسى جاعدايدى مورالدىق تۇرعىدان جەڭۋ. قازاقستاندىقتار ۇن, قانت, ماكارون, كۇرىش, كۇنباعىس مايى, اۋىز سۋ, ماتراستار, جاستىقتار, سونداي-اق بالالارعا قاجەتتى زاتتاردى: كۇرتەشەلەر, جايالىقتار مەن اياقكيىمدەردى الىپ بەرۋدە. ءبىز حالقىمىزدىڭ باسىنا تۇسكەن قيىندىقتى وسىلاي بىرلىكپەن ەڭسەرەمىز», دەپ اتاپ ءوتتى قحا مۇشەسى, «دۋستليك» وزبەكتەر قاۋىمداستىعى توراعاسىنىڭ ورىنباسارى حاسان ءشارىپوۆ.
ايتا كەتكەن ءجون, ەلوردالىق قازاقستان حالقى اسسامبلەياسىنا جىبەرىلگەن قايىرىمدىلىق كومەكتىڭ جالپى سوماسى 14 ملن تەڭگەنى قۇرادى.
