كۇدىكتى 7 جىلعا دەيىنگى مەرزىمگە باس بوستاندىعىنان ايىرىلۋى مۇمكىن.
اباي وبلىستىق پد ءباسپاسوز قىزمەتىنىڭ مالىمەتىنشە, «كاراسورا-2022» جەدەل الدىن الۋ شاراسى بارىسىندا ءتارتىپ ساقشىلارى قر ۇلتتىق ۇلانى ارنايى بولىمشەسىمەن بىرگە اسا ءىرى مولشەردە ەسىرتكى ساقتاعان سەمەي قالاسىنىڭ 32 جاستاعى تۇرعىنىن ۇستادى.
«بۇرىن سوتتالماعان ەر ادامنىڭ تۇرعىلىقتى جەرىنە جۇرگىزىلگەن سانكتسيالانعان ءتىنتۋ بارىسىندا 3,5 كەلىدەن استام كەپتىرىلگەن ماريحۋانا جانە 168, 4 گرامم گاشيش تابىلدى. اتالعان فاكتى بويىنشا قر قك-ءنىڭ 296-بابى 4-بولىگىنە (ەسىرتكى قۇرالدارىن, پسيحوتروپتىق زاتتاردى, سول تەكتەستەردى اسا ءىرى مولشەردە وتكىزۋ ماقساتىنسىز زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ) سايكەس سوتقا دەيىنگى تەرگەۋ امالدارى جۇرگىزىلۋدە», دەيدى دەپارتامەنت باستىعىنىڭ ورىنباسارى ناريمان كۇلدىكوۆ.
