وبلىستىق توتەنشە جاعدايلار دەپارتامەنتىنىڭ حابارلاۋىنشا, 10 قىركۇيەك كۇنى تاڭەرتەڭ ءورت وشاقتارىن انىقتاۋ ءۇشىن مي-171 تىكۇشاعىمەن كوميسسيالىق ۇشۋ ورىندالدى. اۋماقتا 125 گا بولاتىن ءۇش ءتۇتىن وشاعى بار ەكەنى انىقتالدى.
«ساعات 10:30-دا تىكۇشاقتار اۋەدەن ەكى رەت سۋ شاشتى (6 توننا سۋ). ءۇش كۇندە بارلىعى 22 رەت سۋ شاشتى (66 توننا سۋ). ءورتتى ءسوندىرۋ جۇمىستارى جالعاسۋدا», دەدى تجد ءباسپاسوز قىزمەتى.
ءورتتى سوندىرۋگە بارلىعى 232 ادام, ەكى تىكۇشاق, 26 تەحنيكا, 60 ريۋكزاك بۇرىككىش جانە 11 ات جۇمىلدىرىلعان.
«قازگيدرومەت» رمك-نىڭ مالىمەتىنشە, 10 قىركۇيەكتە جەتىسۋ وبلىسىنىڭ تاۋلى جانە تاۋ بوكتەرىندەگى اۋداندارىندا نايزاعاي كۇتىلەدى.
