وقيعا 9 قىركۇيەك كۇنى ساعات 01:37 شاماسىندا بولعان.
«Mercedes Benz كولىگىنىڭ 30 جاستاعى جۇرگىزۋشىسى سەيفۋللين كوشەسىنىڭ بويىندا ۇلكەن جىلدامدىقپەن كەلە جاتىپ, 29 جاستاعى جەرگىلىكتى تۇرعىن باسقارعان Volkswagen Golf كولىگىنىڭ ارتقى جاعىنا سوقتىعىسقان. قاتتى سوققى سالدارىنان ورتەنگەن Volkswagen Golf كولىگى ۆاز-21150 كولىگىنىڭ الدىڭعى جاعىن سوققان. ناتيجەسىندە Volkswagen Golf كولىگىندە وتىرعان 21 جاستاعى جولاۋشى قىز قازا تاۋىپ, 29 جاستاعى جۇرگىزۋشى مەن تاعى ءبىر جولاۋشى دەنە جاراقاتتارىمەن شۋ قالاسىنىڭ ورتالىق اۋرۋحاناسىنا جەتكىزىلدى», دەدى ۆەدومستۆودان.
اتالعان دەرەككە قاتىستى قىلمىستىق كودەكستىڭ 345-بابىنىڭ 3-بولىگى بويىنشا سوتقا دەيىنگى تەرگەۋ امالدارى باستالدى. سونداي-اق بىرقاتار قاجەتتى ساراپتامالار تاعايىندالدى.
Mercedes Benz اۆتوكولىگىنىڭ جۇرگىزۋشىسى ۋاقىتشا ۇستاۋ يزولياتورىنا قاماققا الىندى.
