الماتى وبلىسى جانە جەتىسۋ اۋدانى بويىنشا قىىب-ءنىڭ №57 مەكەمەسىنىڭ قىزمەتكەرلەرى قاڭتار ايىنداعى تارتىپسىزدىكتەر كەزىندە ۇرلانعان قارۋ-جاراق پەن وق-دارىلەردىڭ ورنىن انىقتاۋ بويىنشا جەدەل-ىزدەستىرۋ جۇمىستارىن جۇرگىزدى.
قىلمىستىق-اتقارۋ جۇيەسىنىڭ قىزمەتكەرلەرى تالدىقورعان قالاسى ءىىد جانە ەسكەلدى اۋدانى سعق-مەن بىرلەسىپ, اۋماقتى تەكسەرۋ بارىسىندا ەسكەلى اۋدانى, جاستار اۋىلىنداعى ايالداما ماڭىندا تاس استىنان پاتروندارى جوق ماكاروۆ تاپانشاسىن تاپتى.
«قىزمەتكەرلەرىمىزدىڭ قىراعىلىعىنىڭ ارقاسىندا تالدىقورعان قالاسىنىڭ وب قىزمەتكەرلەرىمەن بىرلەسە وتىرىپ, جاقسى ۇيلەستىرىلگەن جانە ءتيىمدى جۇمىس جۇرگىزىلدى», دەدى ءىىد باسشىسى ي.حاسەنوۆ.
اتالعان فاكتى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلىپ, قر قىلمىستىق كودەكسىنىڭ 3-بولىگى 287-بابى بويىنشا قىلمىستىق ءىس قوزعالدى.
