قازاقستان • 09 قىركۇيەك، 2022

«ءومىر اعاشى»: وركەن جايعان ساياباق سالىنادى

91 رەت كورسەتىلدى

ەلوردادا جاڭا بەيبىتشىلىك پەن كەلىسىم ساياباعىن سالۋ قولعا الىنعانى ءمالىم. كونتسەپتۋالدى تابيعي-رەكرەاتسيالىق ايماقتى قۇرۋ الەمدىك جانە ءداستۇرلى دىندەر ليدەرلەرىنىڭ VII سەزىنە ورايلاستىرىلىپ وتىر. ونىڭ دەلەگاتتارى بولاشاق ساياباقتىڭ كاپسۋلاسىن سالۋعا قاتىسپاق.

الەمدىك جانە ءداستۇرلى دىندەر ليدەرلەرىنىڭ VII سەزىنە دايىندىق اياسىندا قازاقستانداعى ءتۇرلى كونفەسسيالار مەن ۇلتتار اراسىنداعى ىنتىماقتاستىقتى، دوستىق پەن بىرلىكتى بەينەلەيتىن تابيعي-رەكرەاتسيالىق ساياباق تۇجىرىمداماسى ازىرلەنگەن ەدى.

ەلوردا اكىمدىگىنىڭ قولداۋىمەن جۇزەگە اسىرىلعان «بەيبىتشىلىك پەن كەلىسىم ساياباعى» دەپ اتالاتىن جوبا نۇر-سۇلتان قالاسىنداعى ەسىل وزەنىنىڭ بويىندا جۇزەگە اسىرىلادى.

قالا اكىمدىگىنە قاراستى ۋربانيستيكا ورتالىعىنىڭ حابارلاۋىنشا، جوبانىڭ نەگىزگى يدەياسى – ء«ومىر اعاشى» مونۋمەنتى. بۇل قۇرىلىس كۇمبەز تۇرىندە جاسالادى. ونىڭ ورتاسىنا جاپىراقتى اعاش – ەمەن اعاشىن ورنالاستىرۋ جوسپارلانعان. اعاش سپيرالمەن جانە ۇيلەسىمدى سۋبۇرقاقپەن – سۋ بەتىمەن قورشالادى.

«اۆتور يدەياسىنا سايكەس عاسىرلار بويى تامىرى تەرەڭدە جاتقان سۋ مەن ءومىر اعاشى جەر بەتىندەگى تىرشىلىكتىڭ ناقتى بەينەسىن ايشىقتايدى. وسىلايشا، ينستاللياتسيا بارلىق كونفەسسيالاردىڭ كەلىسىمگە، بەيبىتشىلىك پەن دوستىققا شاقىرۋىن بىلدىرەدى. كۇمبەز ءوز كەزەگىندە ءبىر اسپان استىنداعى الەمدى بەينەلەيدى. وندا 4 نەگىزگى نۇكتەنى – وڭتۇستىك، سولتۇستىك، باتىس، شىعىستى بىلدىرەتىن 4 كىرۋ ايماعى بولادى»، دەپ حابارلادى ۋربانيستيكا ورتالىعىنىڭ وكىلدەرى.

كۇمبەز قابىرعالارىندا دۇنيەنىڭ جاراتىلۋىن، قازاقستان تاريحىنداعى وقيعالاردى كورسەتەتىن بەينەلەر، سونداي-اق قازىرگى زامانعا ۇندەۋ رەتىندە ەلىمىزدىڭ اۋماعىنان تابىلعان ايگىلى ەجەلگى جارتاس سۋرەتتەرى – پەتروگليفتەر سالىنادى. اعاشتىڭ اينالاسىنداعى سپيرال اسپاندى (كۇمبەزدى) جانە جەردى (سۋ بەتىن) بايلانىستىرادى، وسىلايشا، الەمنىڭ نازىكتىگى تۋرالى يدەيانى جەتكىزەدى.

الەمدىك جانە ءداستۇرلى دىندەر ليدەرلەرىنىڭ VII سەزى دەلەگاتسيالارى باسشىلارىنىڭ سانى بويىنشا ء«ومىر اعاشى» مونۋمەنتىنىڭ اينالاسىنا 50-دەن استام جاپىراقتى جانە قىلقان جاپىراقتى اعاشتار وتىرعىزىلادى. شارا دەلەگاتتارى دا تۇتاس كونتسەپتسيا نەگىزىندە ورتالىق اعاشتارىن وتىرعىزۋعا قاتىسادى. اعاشتاردىڭ جانىنا ساياباق ىرگەتاسىنىڭ قويىلعان كۇنى جازىلعان ەسكەرتكىش تاقتالار ورناتىلادى.

ساياباقتىڭ قۇرىلىسىن اياقتاپ، پاي­دا­لانۋعا بەرۋ 2023 جىلعا جوسپارلانعان.

سوڭعى جاڭالىقتار

دوللار باعامى قايتا ءوستى

قارجى • بۇگىن، 15:53

الماتى ماڭىندا جەر سىلكىندى

ايماقتار • بۇگىن، 10:02

جاس تەننيسشىلەرمەن كەزدەسۋ

تەننيس • بۇگىن، 07:47

ۇقساس جاڭالىقتار