كوشى-قون ساياساتىنىڭ الداعى 5 جىلعا ارنالعان جاڭا تۇجىرىمداماسى شەڭبەرىندە ىشكى كوشى-قوندى ىنتالاندىرۋعا باعىتتالعان بىرقاتار شارا كوزدەلەدى. اتاپ ايتقاندا, ەلدىڭ باسقا وبلىستارىندا نەگىزدەلگەن ترانسفەرت جانە قولدانىستاعى بيزنەس-جوبالاردى كەڭەيتۋ ارقىلى جۇمىس ورىندارىن قۇرا وتىرىپ, ازاماتتاردىڭ سولتۇستىك جانە ورتالىق وڭىرلەرگە رەتتەلەتىن قونىس اۋدارۋىن ۇيىمداستىرۋ تەتىگى ىسكە قوسىلادى.
اتالعان باعىت شەڭبەرىندە:
- ءاربىر قابىلداۋشى وبلىستا جەر رەسۋرستارىمەن, ينجەنەرلىك, كولىك-لوگيستيكالىق جانە الەۋمەتتىك ينفراقۇرىلىمدارمەن قامتاماسىز ەتۋدى ەسكەرە وتىرىپ, قونىس اۋدارۋدى ىنتالاندىرۋدىڭ ارنايى وڭىرلىك باعدارلاماسىن ازىرلەۋ كوزدەلەدى. سونداي-اق باعدارلامالاردا جۇمىس كۇشىنىڭ تاپشىلىعىن سەزىنەتىن ەكونوميكانىڭ باسىم سەكتورلارى ايقىندالادى;
- جۇمىس ورىندارىن قۇرۋ بويىنشا زور الەۋەتى بار ءتيىستى بيزنەس-يدەيالار كونكۋرسى ارقىلى سولتۇستىك جانە ورتالىق وڭىرلەر ءۇشىن ۇزدىك 100 بيزنەس-جوبانىڭ كەيسىن قالىپتاستىرۋ ماسەلەسى پىسىقتالادى;
- جامبىل وبلىسىنىڭ وڭ تاجىريبەسىن ەسكەرە وتىرىپ, ورتالىق جانە سولتۇستىك وڭىرلەردە وندىرىسكە جانە تەحنيكامەن قامتاماسىز ەتۋگە جەڭىلدەتىلگەن نەسيەلەر ارقىلى اۋىل شارۋاشىلىعى كووپەراتسيالارىن قۇرۋ جانە كەڭەيتۋ كوزدەلەدى;
- جۇمىس بەرۋشى جۇمىسقا ورنالاسۋ فاكتىسىن راستاعان جاعدايدا, قونىس اۋدارۋشىلار ءۇشىن جاڭا جەردەگى تۇرعىن ءۇي قۇنىنىڭ 50%-ى مولشەرىندە (بەرىلەتىن تۇرعىن ءۇيدىڭ ورنىنا) قارجىلىق كومەك الۋ قۇقىعىن كۋالاندىراتىن ۇتقىرلىق سەرتيفيكاتتارىن ەنگىزۋ جوسپارلانۋدا. بۇل سوما تۇرعىن ءۇي سالۋعا نەمەسە ساتىپ الۋعا, سونداي-اق وتباسى بانكىنە باستاپقى جارنانى ەنگىزۋگە باعىتتالۋى مۇمكىن.
ۆەدومستۆو وكىلدەرى حابارلاعانداي, مەملەكەت باسشىسىنىڭ تاپسىرماسىن جۇزەگە اسىرۋ ماقساتىندا جاڭا تۇجىرىمداما اياسىندا تاريحي وتانىندا قانداستاردى قابىلداۋ جانە جايعاستىرۋ ساياساتى دا قايتا قارالادى.
«اتاپ ايتقاندا, قۇجاتتاردى قابىلداۋ كەزەڭىندە قانداستىڭ كەلەتىن جەرىن ايقىنداۋ تەتىگىن ەنگىزۋ جانە وسى وڭىردە تۇراقتى تۇرۋدىڭ بەلگىلى ءبىر مەرزىمىنەن كەيىن ازاماتتىق بەرە وتىرىپ, ەڭبەك كۇشى تاپشى وڭىرلەرگە كوشۋدى رەتتەۋ مەن ىنتالاندىرۋ جونىندە شارالار قابىلداۋ كوزدەلەدى», دەلىنگەن حابارلامادا.
ايتا كەتسەك, بۇل ءتاسىل گەرمانيا, رەسەي جانە يزرايل ەلدەرىندەگى وتانداستاردىڭ جەرگىلىكتى قوعامعا ينتەگراتسيالانۋ پروتسەستەرىن رەتتەۋ جانە ۇلتتىق ەكونوميكانىڭ قاجەتتىلىكتەرىن ەسكەرە وتىرىپ, ولاردىڭ الەۋەتىن پايدالانۋ ءۇشىن قولدانىلادى.
سونداي-اق تاريحي وتانىمەن بايلانىستى نىعايتۋ ماقساتىندا جوعارى دەڭگەيدەگى ماماندار نەمەسە ءوز ەلدەرىندە تابىستى بيزنەس-كەيستەردى ىسكە اسىرعان جانە ولاردى قازاقستاندا ماسشتابتاۋعا نيەت بىلدىرگەن ەتنيكالىق قازاقتارعا ارنالعان قازاق كارتاسىن ەنگىزۋ ۇسىنىلادى.
اتالعان كارتانىڭ يەسى ساياسي قۇقىقتاردى قوسپاعاندا, تۇرۋ قۇقىعىمەن بىردەي بولاتىن ەلگە جەڭىلدەتىلگەن كىرۋ قۇقىعىن, سونىمەن قاتار بيزنەس اشۋ, جىلجىمايتىن م ۇلىككە جانە باسقا م ۇلىككە يەلىك ەتۋ, قارجىلىق وپەراتسيالاردى جۇرگىزۋ قۇقىعىنا يە بولادى.
