AMANAT پارتياسى «جاستار رۋحى» جاستار قاناتىنىڭ توراعاسى نۇرجان جەتپىسباەۆ اتاپ وتكەندەي, اۋليەكول اۋدانىنا ەلىمىزدىڭ تۇكپىر-تۇكپىرىنەن 300-دەن استام ەرىكتى كەلدى.
«ۆولونتەرلەرىمىز گۋمانيتارلىق كومەكتى قويمالارعا جايعاستىردى. ازىق-ت ۇلىك پەن قاجەتتى زاتتاردى تۇرعىنداردىڭ ۇيلەرىنە جەتكىزىپ بەرۋدە. زارداپ شەككەندەر مەن ەۆاكۋاتسيالانعاندارعا جىلى ءسوزىمىزدى ايتىپ, مورالدىق قولداۋ كورسەتۋ دە ماڭىزدى. بۇل – ءبىزدىڭ شىنايى جاناشىرلىعىمىزدى ءبىلدىرۋ عانا ەمەس, سونىمەن بىرگە ولارعا قيىن ساتتە كۇش-جىگەر بەرۋ. سونىمەن قاتار, جاستار قالپىنا كەلتىرۋ جۇمىستارىنا, ورتتەن كەيىنگى ۇيىندىلەردى سۇرىپتاۋعا, اۋماقتى تازالاۋعا جۇمىلدىرىلعان. مۇنىمەن قوسا, ءبىز ورتتەن زارداپ شەكپەگەن, بىراق قولداۋدى قاجەت ەتەتىن كوپبالالى جانە از قامتىلعان وتباسىلارعا دا ازىق-ت ۇلىك تاراتامىز», دەدى ن.جەتپىسباەۆ.
سونداي-اق, ول قازىر تۇرمىستىق تەحنيكا مەن قۇرىلىس ماتەريالدارى كوبىرەك كەلىپ جاتقانىن ايتتى.
ۆولونتەر رايىمبەك باقىتجانوۆ قوستاناي وبلىسىنا ەلوردادان كەلدى. ول اپات تۋرالى ەستي سالا بىردەن ەرىكتى رەتىندە بارۋعا شەشىم قابىلداعانىن ايتتى.
«جۇك تيەلگەن كولىكتەر ساعات سايىن كەلىپ جاتادى, ۇيىقتاماي, دەمالماي جۇمىس ىستەۋگە تۋرا كەلەدى. بىراق ەرىكتى بولۋدىڭ باستى قاسيەتى دە وسى. سەبەبى ءبىز ادامدارعا ناقتى ىسپەن كومەكتەسەمىز. سوندىقتان مۇمكىندىگىم بولا سالىسىمەن وسىندا ەش ويلانباستان كەلدىم. ءبىز مۇندا كومەك قولداۋىمىز قانشا قاجەت بولسا, سونشا ۋاقىتقا دەيىن جۇمىس ىستەيمىز», دەدى ول.
جەرگىلىكتى تۇرعىن امانجول احمەتوۆ ەرىكتىلەرگە العىسىن ايتىپ, ەڭ باستىسى, ەلىمىزدە تىنىشتىق بولسىن دەگەن تىلەگىن جەتكىزدى.
«بۇكىل قازاقستان حالقى بىزگە كومەكتەسىپ جاتىر. ازىق-ت ۇلىك تاپشىلىعى جوق, بىزگە قاجەتتىنىڭ ءبارىن اكەلدى. بۇل ءورت قازاقستاندىقتاردىڭ قيىن ساتتە ءبىر-بىرىنە كومەكتەسۋگە ءازىر جاناشىرلىعىن كورسەتتى», – دەدى ول.
ەسكە سالا كەتەيىك, اماناتتىقتار ءۇش كۇن ىشىندە زارداپ شەككەندەرگە 1214 توننا گۋمانيتارلىق كومەك جينادى. پارتيا فيليالدارى جانىنداعى گۋمانيتارلىق كومەك جيناۋ پۋنكتتەرى ەلىمىزدىڭ بارلىق 20 وڭىرىندە جۇمىس ىستەيدى. AMANAT پارتياسى ورتالىق اپپاراتىنىڭ ۇجىمى دا زارداپ شەككەندەرگە كومەك كورسەتۋ قورىنا بىركۇندىك جالاقىسىن اۋداردى. قازىرگى ۋاقىتتا ۆولونتەرلەر پارتيا فيليالدارى جانىنان اشىلعان گۋمانيتارلىق كومەك جيناۋ پۋنكتتەرىندە جۇمىسىن جالعاستىرۋدا.
