جاقىندا توپ اكتسيونەرلەرى جەدەل كومەك كورسەتۋ تۋرالى شەشىم قابىلداپ, قارجىنى ورتتەن زارداپ شەككەندەرگە قاراجات جيناقتاۋ ءۇشىن ارنايى قۇرىلعان «قايىرىمدىلىق KZ» قوعامدىق قورىنىڭ شوتىنا اۋداردى.
ء«بىز ءتىلسىز جاۋدىڭ كەسىرىنەن باسپاناسىز قالعان حالىقتىڭ جاڭا ۇيلەرىنە تەزىرەك ورالعانىن قالايمىز. قايىرىمدىلىقتان ءبىزدىڭ كومپانيا شەت قالا المادى. سوندىقتان اقشالاي كومەك كورسەتۋ تۋرالى شەشىم قابىلداندى», دەگەن كومپانيانىڭ باسقارما توراعاسى تيمۋر قاراباەۆ بىرلەسكەن كۇش-جىگەردىڭ ارقاسىندا قوستاناي وبلىسىنداعى جاعدايدى قىسقا مەرزىمدە قالىپقا كەلتىرۋگە بولاتىنىنا سەنىم ءبىلدىردى.
* * *
«قازپوشتا» اق Amanat پارتياسىنىڭ استانالىق فيليالىنان, ياعني, نۇر-سۇلتاننان قوستانايعا, جەرگىلىكتى فيليالى قوستانايدان اۋليەكول اۋدانىنا گۋمانيتارلىق كومەك جەتكىزۋدى قولعا الدى. جۇكتى تاسىمالداۋ قىزمەتى «قازپوشتانىڭ» ءوز قاراجاتىنا جۇزەگە اسىرىلادى.
«قوستاناي وبلىسى تۇرعىندارىنىڭ باسىنا تۇسكەن اۋىرتپالىق ەشكىمدى دە بەيجاي قالدىرمادى. سونىڭ ىشىندە «قازپوشتا» دا بار. ءبىز دە كوپ ويلانباستان كومەككە قوسىلدىق. ايماققا قانشا كومەك قاجەت بولسا, سونشا گۋمانيتارلىق جۇكتى جەتكىزەمىز», دەدى اق باسقارما توراعاسى سەرىك ساۋداباەۆ.
«قازپوشتا» اق قوستاناي وبلىستىق فيليالىنىڭ ديرەكتورى جانىبەك تالتەكوۆتىڭ ايتۋىنشا, ماگيسترالدى جۇك كولىگى ارقىلى ەلوردادان قوستانايعا جەتكىزىلەتىن شامامەن 6 توننا جۇك ەۆاكۋاتسيالانعان اۋىل تۇرعىندارىنا بەرىلەدى.
سونىمەن قاتار ورتتەن زارداپ شەككەندەرگە كومەك كورسەتۋ باستاماسىنا «قازپوشتا» اق قىزمەتكەرلەرى ازىق-ت ۇلىك پەن ەڭ قاجەتتى زاتتاردى گۋمانيتارلىق كومەك پۋنكتىنە جەتكىزىپ, بىرىڭعاي قور شوتىنا اقشا اۋدارماق.
