«Vita» ىزدەستىرۋ جاساعىنىڭ ەرىكتىلەرى حابارلاعانداي, «ەرتىس» فۋتبول كومانداسىنىڭ جاتتىقتىرۋشىسى, 1995 جىلى تۋعان رومان بوگدانوۆ دوستارىنىڭ كوز الدىندا ابايسىزدا جاردان اياعى تايىپ, سۋعا قۇلاعان. ەرتىس وزەنىنىڭ ارىندى اعىنى ونى بىردەن باتىرىپ جىبەرگەن.
بۇعان قوسا «يامايكا» جاعاجايىندا دەمالىپ جاتقان 40 جاسار ايەل دە ءتىلسىز جاۋدىڭ قۇربانى بولدى. ول وزەننىڭ جىلى اعىسىنا ءتۇسىپ, شومىلىپ جۇرگەندە موتورلى قايىق كەلىپ سوعىپتى. سالدارىنان 1982 جىلعى تۋعان ازاماتشا سۋ تۇبىنە كەتكەن.
ايتا كەتەيىك, سۇڭگۋىرلەر اتالعان ەكى ادامنىڭ مۇردەسىن ىزدەستىرىپ جاتىر. قايعىلى جاعداي ورىن العان جەرلەردە ىزدەستىرۋ جاساعىنىڭ ەرىكتىلەرى دە جۇمىلدىرىلعان.
