اتاپ ايتقاندا, كەشە پارتيا مۇشەلەرى 312 توننا, ال بۇگىن 495 توننا كومەك جينادى, ونىڭ 338 تونناسى – ازىق-ت ۇلىك. سونداي-اق جىلى كيىم, جەكە تازالىق قۇرالدارى, توسەك-ورىن جابدىقتارى, تۇرمىستىق تەحنيكا جانە قۇرىلىس ماتەريالدارى جىبەرىلدى.
«توتەنشە جاعداي ورىن العان ساتتەن باستاپ «AMANAT» پارتياسى كومەك قولىن سوزۋعا كىرىسىپ كەتتى. پارتيا مۇشەلەرى زارداپ شەككەن تۇرعىندارعا تىكەلەي سول جەردە قولدان كەلگەن كومەك كورسەتىپ جاتىر. وقيعا ورنىنا «جاستار رۋحى» جاستار قاناتىنىڭ 300-دەن استام ۆولونتەرى باردى. ولار گۋمانيتارلىق كومەكتى جۇك كولىكتەرىنەن تۇسىرۋگە جانە تاراتۋعا جاردەمدەسۋدە. مۇنىڭ ءبارى قازاقستاندىقتاردىڭ بىرلىگىن, ولاردىڭ ءوز وتانداستارىنا كومەك كورسەتۋ ءۇشىن جۇدىرىقتاي جۇمىلا الاتىنىن دالەلدەيدى. زارداپ شەككەندەر تەزىرەك قالىپتى ومىرىنە ورالۋى ءۇشىن جانە جاڭا باسپانالار سالۋ ءۇشىن كۇش-جىگەر جۇمىلدىرۋ قاجەت. وسى ورتاق مىندەتتى بىرلەسىپ اتقارۋعا «AMANAT» پارتياسى دا بەلسەنە اتسالىسادى», دەدى داۋلەت كارىبەك.
ءوز كەزەگىندە ءماجىلىس دەپۋتاتى, «AMANAT» فراكتسياسىنىڭ مۇشەسى ەلنۇر بەيسەنباەۆ پارتيا مۇشەلەرى مەن «جاستار رۋحى» بەلسەندىلەرىنىڭ داعدارىس جاعدايىندا ۆولونتەرلىك تاجىريبەسى مول ەكەنىن اتاپ ءوتتى.
