«اتاپ ايتقاندا, Kcell/Activ, Beeline, Altel/تەلە2 وپەراتورلارى تۇرعىندارعا تەگىن ۇيالى بايلانىس ترافيكتەرىن جولدادى. وسىلايشا, ءوڭىر تۇرعىندارى جاقىندارىمەن ەش كەدەرگىسىز بايلانىس ورناتا الادى», دەلىنگەن مينيسترلىك حابارلاماسىندا.
بۇدان بولەك, ورتتەردى سوندىرۋگە جۇمىلدىرىلعان شۇعىل قىزمەتتەردىڭ جۇمىسىن قولداۋ بارىسىندا Tele2/Altel وپەراتورى تجم قىزمەتكەرلەرىن بايلانىسپەن قامتاماسىز ەتۋ ماقساتىندا ارنايى ءموبيلدى بازالىق ستانتسيانى ورنالاستىردى.
«قوستاناي وبلىسىنىڭ تۇرعىندارىن ءورت اپاتى سالدارى جويىلعانشا ساپالى بايلانىسپەن قامتاماسىز ەتۋ ماسەلەسى ءبىزدىڭ ۆەدومستۆونىڭ تىكەلەي باقىلاۋىندا. ءبىز وتانداستارىمىزعا ءوز تاراپىمىزدان قولداۋ كورسەتۋ باعىتىندا ءتيىستى شارالاردى جۇزەگە اسىرامىز», دەلىنگەن حابارلامادا.
