«سىن ساعاتتا قوستانايلىقتارعا كومەكتەسۋ – ءبىزدىڭ پارىزىمىز. پارتيا توراعاسى ەرلان قوشانوۆتىڭ باستاماسىمەن بارلىق وڭىرلىك فيليالداردا پۋنكتتەر اشتىق. بارلىق پارتيالىقتار قولداۋ كورسەتتى. سونىڭ ناتيجەسىندە 312 توننا گۋمانيتارلىق كومەك جينالىپ, بىرتىندەپ وسىندا جەتكىزىلە باستادى. بۇل – ازىق-ت ۇلىك, كيىم-كەشەك, گيگيەنالىق قۇرالدار, تۇرمىستىق تەحنيكا جانە تاعى باسقالار», دەدى «AMANAT» پارتياسىنىڭ حاتشىسى رينات كەرتاەۆ.
اتاپ ايتقاندا, «AMANAT»-تىڭ قوستاناي وبلىستىق فيليالىنداعى پارتيالىقتاردىڭ كۇشىمەن جينالعان 20 توننا كومەك جەتكىزىلدى.
سونداي-اق, بۇگىننىڭ وزىندە اۋليەكول اۋىلىنا نۇر-سۇلتان, الماتى قالالارىنان جانە اقمولا, اتىراۋ, اقتوبە, اتىراۋ, سولتۇستىك قازاقستان وبلىستارىنان جۇك كولىكتەرى كەلەدى. «جاستار رۋحى» جاستار قاناتىنىڭ مۇشەلەرىنەن قۇرالعان ۆولونتەرلەردىڭ العاشقى توبى زارداپ شەككەندەرگە كومەك كورسەتۋ جانە قالپىنا كەلتىرۋ جۇمىستارىنا قاتىسۋ ءۇشىن قوستاناي وبلىسىنا كەلدى.
