پرەزيدەنت قاسىم-جومارت توقاەۆ پرەمەر-مينيستر ءاليحان سمايىلوۆ, توتەنشە جاعدايلار ءمينيسترى يۋري يلين جانە قوستاناي وبلىسىنىڭ اكىمى ارحيمەد مۇحامبەتوۆتىڭ ءورت ايماعىنداعى جەدەل جاعداي تۋرالى ەسەبىن تىڭدادى.
«بارلىق مەملەكەتتىك ورگانداردىڭ جۇمىسىن پرەزيدەنت اكىمشىلىگىنىڭ باسشىسى مۇرات نۇرتىلەۋ مەن پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى عيزات نۇرداۋلەتوۆ ۇيلەستىرەدى. ولار مەملەكەت باسشىسىنا ءورتتى اۋىزدىقتاۋ جانە ەلدى مەكەندەردەن ازاماتتاردى ەۆاكۋاتسيالاۋ بويىنشا قابىلدانعان شارالار تۋرالى جەدەل بايانداپ وتىر», دەپ جازىلعان حابارلامادا.
پرەزيدەنت ازاماتتاردىڭ قاۋىپسىزدىگىن قامتاماسىز ەتۋ مەن ءورتتى ءسوندىرۋ شارالارىنا باسىمدىق بەرۋدى تاپسىردى. سونداي-اق ۇكىمەتكە توتەنشە جاعدايدىڭ سالدارىن جويۋ ءۇشىن قاجەتتى قاراجات ءبولۋ تۋرالى تاپسىرما بەرىلدى.
