ول 1972 جىلى جەلتوقساندا دۇنيەگە كەلگەن. 1994 جىلى قازاق مەملەكەتتىك حالىقارالىق قاتىناستار جانە الەم تىلدەرى ۋنيۆەرسيتەتىن; 1996 جىلى «بولاشاق» باعدارلاماسى بويىنشا حالىقارالىق قاتىناستار ينستيتۋتىن (ستراسبۋرگ ق., فرانتسيا); 1998 جىلى فرانتسيا پرەمەر-ءمينيسترى جانىنداعى حالىقارالىق مەملەكەتتىك باسقارۋ ينستيتۋتىن (پاريج ق.), ادام قۇقىقتارى ينستيتۋتىن (ستراسبۋرگ ق.), حالىقارالىق قۇقىق اكادەمياسىن (گااگا ق., نيدەرلاند); 2006 جىلى قر سىرتقى ىستەر مينيسترلىگىنىڭ ديپلوماتيالىق اكادەمياسىن ءبىتىردى.
ەڭبەك جولىن قازاقستان رەسپۋبليكاسى پرەزيدەنتىنىڭ جانىنداعى ۇلتتىق جوعارى مەملەكەتتىك باسقارۋ مەكتەبىندە ءتىلشى-ساراپشى رەتىندە باستاعان. 1999 جىلدان باستاپ قر ءسىم جۇيەسىندە, ەكىجاقتى ىنتىماقتاستىق دەپارتامەنتىنىڭ رەفەرەنتى, ءۇشىنشى حاتشىسى, ەكىنشى حاتشىسى رەتىندە جۇمىس ىستەدى; 2001 جىلدان 2005 جىلعا دەيىن فرانتسياداعى قر ەلشىلىگىنىڭ ەكىنشى حاتشىسى بولدى, ودان كەيىن قر ءسىم ەۋروپا جانە امەريكا دەپارتامەنتىنىڭ ەۋروپا باسقارماسىنىڭ باسشىسى لاۋازىمىنا تاعايىندالدى. كەيىن بەلگيا مەن فرانتسياداعى قر ەلشىلىكتەرىندە كەڭەسشى-ۋاكىل, سونداي-اق قر ءسىم ەرەكشە تاپسىرمالار جونىندەگى ەلشىسى بولىپ جۇمىس ىستەدى.
قر ءسىم حالىقارالىق اقپارات كوميتەتىنىڭ توراعاسى لاۋازىمىنا تاعايىندالعانعا دەيىن 2017-2022 جىلدار ارالىعىندا قازاقستان رەسپۋبليكاسىنىڭ فرانتسياداعى جانە موناكوداعى توتەنشە جانە وكىلەتتى ەلشىسى, يۋنەسكو جانىنداعى تۇراقتى وكىلى بولدى.
2021 جىلدىڭ جەلتوقسان ايىندا «قۇرمەت» وردەنىمەن ماراپاتتالدى. ءى سىنىپتى توتەنشە جانە وكىلەتتى ۋاكىل ديپلوماتيالىق دارەجەسىنە يە. فرانتسۋز جانە اعىلشىن تىلدەرىن مەڭگەرگەن.
