دارحان قىدىرالى 1974 جىلى 16 ساۋىردە تۇركىستان وبلىسىنا قاراستى تۇلكىباس اۋدانىندا دۇنيەگە كەلگەن.
ەڭبەك جولىن 2001-2005 ج. ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىندە اعا عىلىمي قىزمەتكەر, عالىم-حاتشى, كافەدرا مەڭگەرۋشىسى, اپپارات جەتەكشىسى, جەتەكشى عىلىمي قىزمەتكەر بولىپ باستاعان.
2005-2006 ج. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە دوتسەنت, اعا عىلىمي قىزمەتكەر.
2006-2007 ج. قازاقستان رەسپۋبليكاسى پرەزيدەنتتىك مادەنيەت ورتالىعىندا ديرەكتوردىڭ ورىنباسارى.
2007-2008 ج. قازاقستان رەسپۋبليكاسى ءبىلىم جانە عىلىم مينيسترلىگىندە مينيستردىڭ كەڭەسشىسى.
2008-2009 ج. قازاقستان رەسپۋبليكاسى پرەزيدەنتى اكىمشىلىگىندە ساراپشى, سەكتور مەڭگەرۋشىسى رەتىندە قىزمەت اتقارعان.
2009-2012 جىلدار اراسىندا قازاقستان رەسپۋبليكاسى پرەزيدەنتى ءباسپاسوز حاتشىسىنىڭ ورىنباسارى بولعان.
2012 -2014 جىلدارى تۇركى كەڭەسى باس حاتشىسىنىڭ ورىنباسارى بولىپ قىزمەت اتقاردى.
2014 جىلدان باستاپ حالىقارالىق تۇركى اكادەمياسىنىڭ پرەزيدەنتى.
2015 جىلعى 29 ماۋسىمنان تۇركى الەمى ۇلتتىق عىلىم اكادەميالار وداعى حاتشىلىعىنىڭ باسشىسى قىزمەتىن قوسا اتقارادى جانە اتالعان وداقتىڭ ۇيىمداستىرۋشىسى.
2015 جىلى يۋنەسكو-نىڭ پاريجدەگى شتاب-پاتەرىندە «قورقىت مۇراسى جانە تۇركى الەمى» اتتى حالىقارالىق مادەني شارانى, 2016 جىلى نيۋ-يورك قالاسىنداعى بىرىككەن ۇلتتار ۇيىمىنىڭ شتاب-پاتەرىندە «2030 جوسپارى ءۇشىن جىبەك جولى بويىنداعى جاڭا سينەرگيا» اتتى حالىقارالىق سيمپوزيۋمدى, جانە 2018 جىلى «رۋحاني جاڭعىرۋ جانە مادەني مۇرا: قادىمنان كەلەشەككە تۇركى ءتىلى» حالىقارالىق مادەني شارالارىن ۇيىمداستىردى.
2016 جىلدىڭ شىلدەسىنەن «ەگەمەن قازاقستان» رەسپۋبليكالىق گازەتى» جشس باس ديرەكتورى.
2018 جىلدىڭ قىركۇيەگىندە حالىقارالىق تۇركى اكادەمياسىنىڭ پرەزيدەنتى لاۋازىمىنا ەكىنشى مەرىزىمگە تاعايىندالدى.
