پرەزيدەنت قاسىم-جومارت توقاەۆتىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋىندا ايتىلعان جاستارعا جاعداي جاساۋ, ولاردىڭ ساپالى ءبىلىم الىپ, تۇراقتى جۇمىسپەن قامتىلۋى, تومەن پايىزبەن نەسيە الۋى سياقتى مىندەت-ۇسىنىستار الداعى ۋاقىتتا جۇزەگە اساتىن بولسا, قوعامنىڭ جاستار بولىگى بىرقاتار جەڭىلدىككە يە بولار ەدى. وسى تۇرعىدان قاراستىرعاندا, ەلىمىزدە ەندى جولعا قويىلىپ كەلە جاتقان مەملەكەت پەن كاسىپكەرلىك سەرىكتەستىگىن ارى قاراي جالعاستىرىپ, قۇرىلىس كومپانيالارى ءۇشىن ءتيىمدى ۇسىنىستاردى, سالىقتىق جەڭىلدىكتەردى قاراستىرۋ مۇمكىندىكتەرىن كوبەيتكەن ابزال.
مەملەكەت باسشىسى جولداۋدا جاتاقحانا ماسەلەسى مەملەكەت موينىنداعى جاۋاپكەرشىلىك رەتىندە قالا بەرەتىنىن ايتتى. وسى ورايدا جەكە مەنشىك جوعارى وقۋ ورىندارىنداعى جاتاقحانا ماسەلەسىنە مەملەكەت تاراپىنان قولداۋ جاسالاتىندىعى دا ورىندى. بۇگىندە جاستاردىڭ الدىندا ۇلكەن مىندەتتەر تۇر. ولار ءوز ءبىلىمىن ارى قاراي ەل كەلەشەگىنىڭ دامۋىنا ارناپ, ەكونوميكانىڭ قاي سالاسىندا بولماسىن ەڭبەك ەتۋدى قالايدى. پرەزيدەنتتىڭ بالالارعا 18 جاسقا تولعانعا دەيىن ارنايى شوت اشىپ, ونىڭ الداعى ۋاقىتتا ساپالى ءبىلىم الۋىنا مۇمكىندىك جاساۋى تۋرالى ۇسىنىسى بولاشاققا جاسالعان كاپيتال, بۇل كوپتەگەن قولداۋعا مۇقتاج وتباسىلار ءۇشىن ۇلكەن جەڭىلدىك. پرەزيدەنت جولداۋىندا بەس باعدار بويىنشا كوتەرگەن ماسەلەنىڭ بارلىعى دا جۇرتشىلىقتىڭ كوكەيىندە شەشىمىن تاپپاي جۇرگەن كوپتەگەن تۇيتكىلدى جايتتاردى ىسكە اسىرۋعا مۇمكىندىك بەرەدى.
رۋسلان احماعانبەتوۆ,
ءال-فارابي اتىنداعى قازۇۋ,
ساياساتتانۋشى, PhD
الماتى
