سۋرەتتى تۇسىرگەن ەرلان ومار, «ەQ»
بۇل ساياسي ءداستۇر, ءبىز دە اشىق ايتايىق, ەل پرەزيدەنتى قاسىم-جومارت توقاەۆقا ءتان. قازاقستانداعى بيلىكتىڭ بارلىق جۇيەسىن رەفورمالاۋ جالعاسىن تاۋىپ كەلەدى. قوعام مەن بيلىك اراسىنداعى قارىم-قاتىناس تۋرالى تۇسىنىكتى وزگەرتەتىن جاڭالىق كوپ. بارلىق باسقارۋ سالاسىندا تيىمدىلىك پەن تابىسقا قول جەتكىزەتىن, جاۋاپكەرشىلىكتى كۇشەيتە تۇسەتىن جانە دەموكراتيالىق قۇندىلىقتاردى قالىپتاستىراتىن جۇيە جۇمىس ىستەيدى.
الداعى سايلاۋلاردىڭ بولاتىنىن ايتۋدىڭ ءوزى – ناعىز دەموكراتيانىڭ كورىنىسى, بۇل حالىقتىق سەنىمدى ارتتىرادى جانە رەفورمالارعا جول اشادى. سونداي-اق ساياسي سەنىمدى كۇشەيتىپ, بيلىككە دەگەن وڭ كوزقاراستى نىعايتادى.
مەملەكەت باسشىسىنىڭ پرەزيدەنتتىك مانداتتى جەتى جىلدىق ءبىر مەرزىمگە قىسقارتۋ تۋرالى ۇسىنىس ۇلكەن ساياسي جاڭالىق جانە قۇپتارلىق قادام. پرەزيدەنتتىڭ بۇل ۇسىنىسى تالايعا وي سالدى. ويتكەنى ومىرلىك تاجىريبەنىڭ ساباقتارى بارىمىزگە ءمالىم.
جولداۋدا ساياسي جاڭعىرۋ مەن جاڭعىرتۋدىڭ اقىلعا قونىمدى, قوعام دامۋىنا ءتيىمدى, حالىقتىڭ سۇرانىسىنا ساي تاريحي قادامدار جاسالعانىن اتاپ ءوتۋىمىز كەرەك. جالپى, وسى جولداۋدىڭ اياسىندا ادامداردىڭ كوكەيىندە جۇرگەن بارلىق وزەكتى ماسەلە قامتىلدى جانە بۇل وزگەرىستەر تولىعىمەن جۇزەگە اسىرىلادى دەگەن سەنىمدەمىز.
پارلامەنت الدىنا ناقتى مىندەتتەر بەلگىلەندى, سونداي-اق ۇكىمەتكە, اكىمدىكتەرگە حالىقتىڭ الەۋمەتتىك-ەكونوميكالىق جاعدايىن جاقسارتىپ, تابىسىن ەسەلەپ ارتتىرۋ جونىندە تاپسىرمالار جۇكتەلدى.
قازاقستاندا مىقتى دەموكراتيا ورناتۋدىڭ ماقساتتارى قوعامنىڭ كوز الدىندا كەزەڭ-كەزەڭمەن ورىندالىپ كەلەدى.
مەيرامبەك تولەپبەرگەن,
ءماجىلىس دەپۋتاتى
