مەملەكەت باسشىسىنىڭ ايتۋىنشا, ساياسي جاڭعىرۋ اياسىندا ەلىمىزدە پارلامەنتاريزمنىڭ دامۋى باستى ورىن الادى. ال جاڭارتىلعان كونستيتۋتسيا ءادىل جانە اشىق ويىن ەرەجەلەرى بار ساياسي جۇيەنىڭ مۇلدەم جاڭا ستاندارتتارىن بەلگىلەيدى.
«ساياسي پارتيالاردى تىركەۋ راسىمدەرى ايتارلىقتاي جەڭىلدەتىلدى. پارتيالىق تىزىمدەر مەن ءبىر مانداتتى وكرۋگتەر بويىنشا پارلامەنت پەن ءماسليحاتتاردى قالىپتاستىرۋدىڭ جاڭا تەتىكتەرى جۇمىس ىستەي باستايدى. تۇتاستاي العاندا, كونستيتۋتسيالىق رەفورمادا كوزدەلگەن بارلىق ينستيتۋتسيونالدىق وزگەرىستەردى جىل سوڭىنا دەيىن زاڭنامالىق تۇرعىدان اياقتاۋ قاجەت. ولار ساياسي پارتيالار سانىنىڭ ارتۋىنا الىپ كەلەدى, ساياسي باسەكەلەستىكتى كۇشەيتەدى, حالىق قالاۋلىلارىنىڭ جاڭا تولقىنىنىڭ پايدا بولۋىنا ىقپال ەتەدى. ەسكى ۇلگىلەر بويىنشا سايلانعان وكىلدى ورگاندار كەزەكتەن تىس سايلاۋ تسيكلىنان ءوتىپ, زاڭدى تۇردە جاڭارۋى كەرەك», دەدى قاسىم-جومارت توقاەۆ.
