ەلىمىزدىڭ باس پروكۋراتۋراسى ءوز سالاسىنداعى جاس مامانداردىڭ كاسىبي دەڭگەيلەرى مەن ءبىلىم-بىلىگىن ارتتىرا تۇسۋگە ايرىقشا كوڭىل بولە باستادى. كەشە استانادا وسى ماقساتتا تۇڭعىش رەت اشىلعان ارنايى كۋرس ىسكە كىرىستى.
وسىعان ارنالعان جيىندى باس پروكۋرور اسحات داۋىلباەۆ باستاپ بەردى. ول ءوز سوزىندە قۇقىق قورعاۋ جۇيەسىن ودان ءارى جاڭعىرتۋدىڭ مەملەكەتتىك باعدارلاماسىن, سونداي-اق قۇقىق قورعاۋ ورگاندارىنىڭ قۇقىقتىق ساياساتى تۇجىرىمداماسىن جۇزەگە اسىرۋ شەڭبەرىندە قاداعالاۋ ورگاندارىنىڭ الدىنا قويىلعان باستى ءمىندەتتەردىڭ ءبىرى ءتيىمدى كادرلىق الەۋەتتى قالىپتاستىرۋ جانە نىعايتۋ بولىپ تابىلاتىنىن ءسوز ەتتى.
پروكۋرورلىق قاداعالاۋدىڭ تيىمدىلىگى, ازاماتتاردىڭ سەنىم دەڭگەيى قىزمەتكەرلەردىڭ كاسىبيلىگىنە جانە قۇزىرەتتىلىگىنە, ولاردىڭ ىسكەرلىك جانە مورالدىق قاسيەتتەرىنە تاۋەلدى. سوندىقتان جاس مامانداردى دايارلاۋ جانە ولاردىڭ كاسىبي قالىپتاسۋ ماسەلەلەرى ەرەكشە ماڭىزدىلىققا يە بولادى. جاس پروكۋرورلارعا ارناپ ءسوز سويلەي وتىرىپ, ا.داۋىلباەۆ ولاردى ءاردايىم قويىلاتىن تالاپتارعا جوعارى دەڭگەيدە سايكەس كەلۋگە, وزدەرىنىڭ قىزمەتتىك مىندەتتەرىن ويداعىداي ورىنداۋعا, ازاماتتىق قۇقىقتار مەن بوستاندىقتاردىڭ, قوعام مەن مەملەكەت مۇددەلەرىنىڭ كۇزەتىندە بولۋعا, كۇندەلىكتى ەڭبەكپەن پروكۋراتۋرانىڭ بەدەلىن نىعايتۋعا, پروكۋرورلىق ەتيكانىڭ نورمالارىن مۇلتىكسىز ساقتاۋعا, پروكۋرورلىق كاسىپتىڭ كەرەمەت داستۇرلەرىن كوبەيتۋگە شاقىردى.
جيىندا پرەزيدەنت اكىمشىلىگىنىڭ وكىلدەرى, ەلىمىزدىڭ الدىڭعى قاتارلى جوعارى وقۋ ورىندارىنىڭ جەتەكشىلەرى, پروكۋراتۋرا ورگاندارىنىڭ ارداگەرلەرى جاس ماماندارعا جىلى لەبىزدەرىن ءبىلدىردى. مۇندا سالا ارداگەرلەرى ماقسۇت نارىكباەۆ, وڭالسىن جۇمابەكوۆ جينالعان جاس ماماندار الدىندا ءسوز سويلەپ, پروكۋراتۋرا ورگاندارىنىڭ جۇمىستارى ءتوڭىرەگىندەگى ءوز تاجىريبەلەرىنەن كوپتەگەن مىسالدار كەلتىردى.
ەكى اپتالىق كۋرستار بارىسىندا تىڭداۋشىلار الدىندا باس پروكۋراتۋرانىڭ دەپارتامەنت باسشىلارى, وڭىرلىك پروكۋرورلار ءسوز سويلەپ, جاس ماماندار الدىندا قاداعالاۋ قىزمەتىنىڭ نەگىزگى باعىتتارى بويىنشا وزدەرىنىڭ باي تاجىريبەلەرى مەن جيناعان بىلىمدەرىن جايىپ سالادى.
وقىتۋ باعدارلاماسىندا شەشەندىك ونەر, كوشباسشىلىق قاسيەتتەر, زاڭگەرلىك حاتتاردىڭ تەحنيكاسى ءتارىزدى قاجەتتى قوسىمشا داعدىلاردى دامىتۋعا باعىتتالعان ارنايى ساباقتار, سونداي-اق, سترەسس تۇراقتىلىعى بويىنشا ترەنينگتەر وتكىزۋ جوسپارلانىپ وتىر.
سەرىك ءپىرنازار,
«ەگەمەن قازاقستان».
وسىعان ارنالعان جيىندى باس پروكۋرور اسحات داۋىلباەۆ باستاپ بەردى. ول ءوز سوزىندە قۇقىق قورعاۋ جۇيەسىن ودان ءارى جاڭعىرتۋدىڭ مەملەكەتتىك باعدارلاماسىن, سونداي-اق قۇقىق قورعاۋ ورگاندارىنىڭ قۇقىقتىق ساياساتى تۇجىرىمداماسىن جۇزەگە اسىرۋ شەڭبەرىندە قاداعالاۋ ورگاندارىنىڭ الدىنا قويىلعان باستى ءمىندەتتەردىڭ ءبىرى ءتيىمدى كادرلىق الەۋەتتى قالىپتاستىرۋ جانە نىعايتۋ بولىپ تابىلاتىنىن ءسوز ەتتى.
پروكۋرورلىق قاداعالاۋدىڭ تيىمدىلىگى, ازاماتتاردىڭ سەنىم دەڭگەيى قىزمەتكەرلەردىڭ كاسىبيلىگىنە جانە قۇزىرەتتىلىگىنە, ولاردىڭ ىسكەرلىك جانە مورالدىق قاسيەتتەرىنە تاۋەلدى. سوندىقتان جاس مامانداردى دايارلاۋ جانە ولاردىڭ كاسىبي قالىپتاسۋ ماسەلەلەرى ەرەكشە ماڭىزدىلىققا يە بولادى. جاس پروكۋرورلارعا ارناپ ءسوز سويلەي وتىرىپ, ا.داۋىلباەۆ ولاردى ءاردايىم قويىلاتىن تالاپتارعا جوعارى دەڭگەيدە سايكەس كەلۋگە, وزدەرىنىڭ قىزمەتتىك مىندەتتەرىن ويداعىداي ورىنداۋعا, ازاماتتىق قۇقىقتار مەن بوستاندىقتاردىڭ, قوعام مەن مەملەكەت مۇددەلەرىنىڭ كۇزەتىندە بولۋعا, كۇندەلىكتى ەڭبەكپەن پروكۋراتۋرانىڭ بەدەلىن نىعايتۋعا, پروكۋرورلىق ەتيكانىڭ نورمالارىن مۇلتىكسىز ساقتاۋعا, پروكۋرورلىق كاسىپتىڭ كەرەمەت داستۇرلەرىن كوبەيتۋگە شاقىردى.
جيىندا پرەزيدەنت اكىمشىلىگىنىڭ وكىلدەرى, ەلىمىزدىڭ الدىڭعى قاتارلى جوعارى وقۋ ورىندارىنىڭ جەتەكشىلەرى, پروكۋراتۋرا ورگاندارىنىڭ ارداگەرلەرى جاس ماماندارعا جىلى لەبىزدەرىن ءبىلدىردى. مۇندا سالا ارداگەرلەرى ماقسۇت نارىكباەۆ, وڭالسىن جۇمابەكوۆ جينالعان جاس ماماندار الدىندا ءسوز سويلەپ, پروكۋراتۋرا ورگاندارىنىڭ جۇمىستارى ءتوڭىرەگىندەگى ءوز تاجىريبەلەرىنەن كوپتەگەن مىسالدار كەلتىردى.
ەكى اپتالىق كۋرستار بارىسىندا تىڭداۋشىلار الدىندا باس پروكۋراتۋرانىڭ دەپارتامەنت باسشىلارى, وڭىرلىك پروكۋرورلار ءسوز سويلەپ, جاس ماماندار الدىندا قاداعالاۋ قىزمەتىنىڭ نەگىزگى باعىتتارى بويىنشا وزدەرىنىڭ باي تاجىريبەلەرى مەن جيناعان بىلىمدەرىن جايىپ سالادى.
وقىتۋ باعدارلاماسىندا شەشەندىك ونەر, كوشباسشىلىق قاسيەتتەر, زاڭگەرلىك حاتتاردىڭ تەحنيكاسى ءتارىزدى قاجەتتى قوسىمشا داعدىلاردى دامىتۋعا باعىتتالعان ارنايى ساباقتار, سونداي-اق, سترەسس تۇراقتىلىعى بويىنشا ترەنينگتەر وتكىزۋ جوسپارلانىپ وتىر.
سەرىك ءپىرنازار,
«ەگەمەن قازاقستان».
