«ۇكىمەتكە يندۋستريا جانە جەر قويناۋىن يگەرۋ سالالارىنىڭ ينۆەستيتسيالىق تارتىمدىلىعىن ارتتىرۋدى تاپسىرامىن. بىلتىر مەنىڭ تاپسىرمام بويىنشا بارلىق ارنايى ەكونوميكالىق ايماقتىڭ تيىمدىلىگى باعالاندى. سونىڭ ناتيجەسىندە تۇيتكىلدى تۇستاردى انىقتاپ, تىڭ تاسىلدەردى ويلاستىردىق. ەندى ارنايى ەكونوميكالىق ايماقتاردى دامىتۋ ءۇشىن مۇلدە باسقا ساياساتقا كوشكەن ءجون. قازىرگى تاڭدا شەتەل كومپانيالارى قازاقستانعا كوشە باستادى. سوندىقتان, بۇل ماسەلە ءتىپتى وزەكتى بولىپ وتىر», دەدى قاسىم-جومارت توقاەۆ پارلامەنت پالاتالارىنىڭ بىرلەسكەن وتىرىسى بارىسىندا.
پرەزيدەنت «سامۇرىق-قازىنا» قورىنىڭ باسقا اكتيۆتەرى مەن اكتسيالارى, ونىڭ ىشىندە «حالىقتىق IPO» تەتىگى ارقىلى جەكەشەلەندىرىلەتىنىن مالىمدەدى.
«سامۇرىق-قازىنا» قورى ەكونوميكانىڭ نەگىزگى سەكتورلارىن باقىلاۋ ءۇشىن جەتكىلىكتى ماجوريتارلىق پاكەتكە يە ينۆەستورعا اينالۋدا. قور بىرلەسكەن ينۆەستور رەتىندە جەكە ينۆەستورلار جۇزەگە اسىرا المايتىن اسا ماڭىزدى جوبالارعا عانا قاتىساتىن بولادى. مۇنداي جوبالاردى پرەزيدەنت انىقتايدى», دەدى مەملەكەت باسشىسى.
