– بۇعان دەيىن حابارلانعانداي, جول قوزعالىسىن رەتتەۋدىڭ تيىمدىلىگىن ارتتىرۋ ماقساتىندا «قورعاۋ – قاۋىپتى جۇرگىزۋشى» اۆتوماتتاندىرىلعان جۇيەسى جۇمىس ىستەيدى. ول جالعان مەملەكەتتىك نومىرلەرى بار اۆتوكولىكتەردى جانە ساقتاندىرۋ ءپوليسىنسىز جۇرگەن شەتەلدىك متنب بار اۆتوكولىكتەردى, سونداي-اق كولىك جۇرگىزۋ قۇقىعىنان ايىرىلعان جۇرگىزۋشىلەردى انىقتاۋعا مۇمكىندىك بەرەدى. ماسەلەن, ءبىر كۇن بۇرىن قىرعىزستاندا تىركەلگەن, جالپى سوماسى 1 782 090 تەڭگە ايىپپ ۇلى بار Toyota Ipsum كولىگى ۇستالدى. مينيۆەندى 55 جاستاعى جەرگىلىكتى تۇرعىن باسقارعان. بۇل كولىك مامانداندىرىلعان ايىپپۇل تۇراعىنا قويىلدى, – دەدى الماتى قالالىق پد جەرگىلىكتى پوليتسيا قىزمەتى باسقارماسىنىڭ باستىعى ەرجان ۇزاباەۆ.
سپيكەردىڭ ايتۋىنشا, قالادا جالعان مەملەكەتتىك نومىرلەردى پايدالاناتىن, كولىكتەرگە ارنايى دابىل بەرۋ قۇرىلعىلارىن ورناتقان كولىك جۇرگىزۋشىلەرىن, سونداي-اق كولىك قۇرالدارىن ماس كۇيىندە باسقارعان ادامداردى جاۋاپكەرشىلىككە تارتۋ بويىنشا ماقساتتى جۇمىستار جۇرگىزىلىپ جاتىر.
