«ەرتەڭ مەملەكەت باسشىسى قازاقستان حالقىنا كەزەكتى جولداۋىن جاريالايدى, وندا ەلدىڭ تاياۋ كەزەڭدەگى الەۋمەتتىك-ەكونوميكالىق دامۋىنىڭ نەگىزگى باسىمدىقتارى بەلگىلەنەدى», دەپ جازدى ەرلان قارين ءوزىنىڭ تەلەگرام ارناسىندا.
ونىڭ ايتۋىنشا, ساراپشىلار 2021 جىلعى «حالىق بىرلىگى جانە جۇيەلى رەفورمالار - ەل وركەندەۋىنىڭ بەرىك نەگىزى» جولداۋىن ىسكە اسىرۋدىڭ ارالىق قورىتىندىلارىن شىعاردى.
ساراپشىلاردىڭ قورىتىندىسىنا قاراعاندا, بارلىق پراكتيكالىق جۇمىستار ارنايى جالپىۇلتتىق جوسپار شەڭبەرىندە جۇرگىزىلدى. ول 103 تارماقتان تۇراتىن جوسپاردىڭ باسىم بولىگى ىسكە اسىرىلدى, ال قالعاندارىنىڭ ورىندالۋى پرەزيدەنت اكىمشىلىگىنىڭ باقىلاۋىندا.
«ماڭىزدى الەۋمەتتىك باستامالار اراسىندا ازاماتتىق قىزمەتشىلەردىڭ جەكەلەگەن ساناتتارىنىڭ جالاقىسىن 2022 جىلدان باستاپ 2025 جىلعا دەيىن ورتا ەسەپپەن 20%-عا كەزەڭ-كەزەڭىمەن ۇلعايتۋدى اتاپ ءوتۋ قاجەت. سونداي-اق زاڭناماعا ەڭ تومەنگى جالاقىنى 60 مىڭ تەڭگەگە دەيىن ارتتىرۋ جانە ونى سالىق, الەۋمەتتىك جانە باسقا دا سالالاردا ەسەپتىك كورسەتكىش رەتىندە الىپ تاستاۋ بولىگىندە وزگەرىستەر مەن تولىقتىرۋلار ەنگىزىلدى», دەپ جازدى مەملەكەتتىك كەڭەسشى.
سونداي-اق 2025 جىلدىڭ سوڭىنا دەيىن كەمىندە 1000 مەكتەپ سالۋ بويىنشا جول كارتاسى بەكىتىلگەن. تۇرعىن ءۇي ماسەلەلەرىن شەشۋ ءۇشىن «نۇرلى جەر» باعدارلاماسى بويىنشا «وتباسى بانكى» ارقىلى جالپى سوماسى 230 ميلليارد تەڭگەگە جۋىق 20 مىڭنان استام جەڭىلدىكتى قارىز بەرىلدى.
«ۇلت دەنساۋلىعىن نىعايتۋ ءۇشىن ناقتى قادامدار جاسالدى. ماسەلەن, ەلىمىزدە «بيولوگيالىق قاۋىپسىزدىك تۋرالى» زاڭ قولدانىلا باستادى, حالىقتىڭ ددۇ-دا تىركەلگەن كوروناۆيرۋستىق ينفەكتسياعا قارسى ۆاكتسينالارعا قول جەتىمدىلىگى قامتاماسىز ەتىلدى», دەلىنگەن حابارلامادا.
ەرلان قاريننىڭ ايتۋىنشا, ساياسي جاڭعىرۋ مەن ادام قۇقىقتارىن قورعاۋ بلوگى تولىقتاي دەرلىك ىسكە اسىرىلدى.
«ادام قۇقىقتارىن قورعاۋ جۇيەسىن نىعايتۋ جانە زاڭدىلىقتى قامتاماسىز ەتۋ ءۇشىن اسا اۋىر ساناتتاعى قىلمىستىق ىستەر بويىنشا ايىپتاۋ اكتىلەرىن دايىنداۋ بولىگىندە پروكۋرورلاردىڭ قۇزىرەتى كەڭەيتىلدى. ۋاكىلەتتى ورگاندار 2022 جىلعا ارنالعان الاياقتىق پەن قارجى پيراميدالارىنا قارسى ءىس-قيمىل بويىنشا بىرلەسكەن ءىس-شارالار كەشەنىن ىسكە اسىرىپ كەلەدى. زاڭ شىعارۋ جۇمىسى شەڭبەرىندە ءبىلىم بەرۋ سالاسىندا, سترەستى اكتيۆتەر نارىعىن دامىتۋ تۋرالى جانە باسقا دا زاڭدار قابىلداندى. بۇدان باسقا, قازاقستان رەسپۋبليكاسىنىڭ 2025 جىلعا دەيىنگى اۋماقتىق دامۋ جوسپارى, 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسى بەكىتىلدى», دەپ اتاپ ءوتتى ول.
ەرلان قارين جوعارىدا اتالعان بارلىق جۇمىستار ءارى قاراي جالعاساتىنىن جەتكىزدى.
«تۇتاستاي العاندا, مەملەكەت باسشىسى ۇسىنعان بارلىق باستامالار دايەكتى تۇردە پراكتيكادا ىسكە اسىرىلىپ, ازاماتتاردىڭ ءومىر ءسۇرۋ ساپاسىن جاقسارتۋعا جانە ەلدىڭ ورنىقتى دامۋىنا تىكەلەي اسەر ەتەتىنىن اتاپ وتكەن ءجون. وسىلايشا, ىسكە اسىرىلعان باستامالار جاڭا رەفورمالار ءۇشىن نەگىز قالىپتاستىرادى», دەپ قورىتىندىلادى ول.
