قازاقستاندا انالوگتى تەلەحابار تاراتۋدىڭ تسيفرعا كوشىرىلۋى 2018 جىلى باستالدى جانە شىنىمەن دە كەڭ اۋقىمعا يە بولدى. تسيفرلىق حابار تاراتۋ داۋىرىنە بىرنەشە وبلىس قادام باسىپ, تۇرعىنداردى قامتۋ دەڭگەيى 92%-دان استى. ەلدە انالوگتى حابار تاراتۋ 2025 جىلى توقتاتىلادى دەپ بولجانىپ وتىر.
بۇگىندە حالىقتىڭ كوپشىلىگى تەلەديدار كورەدى. بۇل – اقپارات تاراتۋدىڭ ماڭىزدى قۇرالى جانە ءاربىر ازاماتتىڭ كونستيتۋتسيالىق قۇقىعى بولىپ سانالادى. تسيفرلىق حابار تاراتۋ – اقپاراتتار اعىنى مەن قازاقستاندىقتاردىڭ ءومىر ءسۇرۋ دەڭگەيىن كوتەرۋدەگى جاڭا ساپالى قادام. تسيفرلاندىرۋعا كوشۋ قوعام مەن قازىرگى زامانعى تەحنولوگيالاردىڭ دامۋ ديناميكاسىن كورسەتەتىن ەڭ ماڭىزدى تەحنيكالىق, الەۋمەتتىك, مادەني, ەكونوميكالىق جانە ساياسي ماسەلە دەسەك, ارتىق ايتقاندىق ەمەس.
«تسيفرلىق» تەلەۆيزيانىڭ ەرەكشەلىگى نەدە؟ تسيفرلىق حابار تاراتۋ – سيگنال بەرۋ جىلدامدىعى جوعارى جاڭا بۋىن تەلەۆيزياسى. ول كوپتەگەن مۇمكىندىكتەر مەن قىزمەتتەردى ۇسىنادى: كوپ ارنالار, سۋرەت پەن دىبىستىڭ ۇزدىك ساپاسى, ەلەكتروندىق پوشتا, مۋلتيمەديالىق قوسىمشالار, راديو, باتىرمانى ءبىر باسۋ ارقىلى ەكرانعا شىعاتىن ەلەكتروندىق حابارلار باعدارلاماسى, سۋبتيتر ءتىلىن تاڭداۋ جانە باسقا دا كوپتەگەن جاڭاشىلدىقتار. تسيفرلىق سيگنال كەدەرگىگە ءتوزىمدى جانە كورەرمەندەرگە, ءتىپتى ەڭ الىس ەلدى مەكەندەرگە ءوزىنىڭ باستاپقى تۇرىندە, بوتەن شۋ مەن بۇرمالانۋسىز جەتەدى.
تسەتۆ-عا كوشۋ تەلەۆيزياداعى جاڭا باعىتقا جول اشتى. ول ءىس جۇزىندە كەيىنگى ۇرپاقتىڭ ۇيالى بايلانىسىمەن تىعىز بايلانىستى, تەلەۆيزيا باعدارلامالارىن بولمە ىشىندە دە, ءجۇرىپ بارا جاتقان كولىك ىشىندە دە, ءموبيلدى قۇرىلعىلارعا دا قابىلداۋدى قامتاماسىز ەتەدى. سونداي-اق تسيفرلاندىرۋ شاعىن ەلدى مەكەندەردىڭ تۇرعىندارىنا دا انالوگتى پىشىمدەگى 2-3 تەلەارنانىڭ ورنىنا, تسيفرلىق 15 تەلەارنانى قابىلداۋعا مۇمكىندىك بەرەدى. سونىمەن بىرگە, ولاردى تاراتۋعا كەتەتىن ەلەكتر ەنەرگياسىنىڭ شىعىنىن ەداۋىر ازايتادى.
قازاقستاندىقتار وتاندىق تەلەارنالاردى تسيفرلىق ساپادا جانە اي سايىنعى تولەمسىز كورە الادى. ولاردىڭ سانى وبلىس ورتالىقتارى مەن نۇر-سۇلتان, الماتى, شىمكەنت قالالارىندا 30-عا جۋىق, ال وڭىرلەردىڭ ەلدى مەكەندەرىندە 15-تەن كەم ەمەس. تەلەارنالار ەكى تىلدە – ورىس جانە قازاق تىلدەرىندە ۇسىنىلادى.
2025 جىلعا قاراي تسيفرلىق ەفيرلىك تەلەۆيزيامەن قازاقستان رەسپۋبليكاسى حالقىنىڭ كەم دەگەندە 98%-ىن قامتاماسىز ەتۋ جوسپارلانىپ وتىر.
ءسىز تۇراتىن ەلدى مەكەندە تسيفرلىق سيگنالدىڭ بار-جوقتىعى تۋرالى سۇراقتارمەن سall-ورتالىققا قالالىق تەلەفوننان 193 جانە ۇيالى تەلەفوننان 8 8000 800 193 نومىرلەرى ارقىلى حابارلاسا الاسىز – قوڭىراۋ شالۋ تەگىن.
