تەكسەرۋ كەزىندە قالاداعى بارلىق مەديتسينالىق مەكەمەلەردە قازاقستان رەسپۋبليكاسىنىڭ «ولشەم بىرلىگىن قامتاماسىز ەتۋ تۋرالى» زاڭىنىڭ (زاڭ) تالاپتارىن ورىنداماۋ فاكتىلەرى انىقتالدى, تەك كەيبىرەۋلەرىندە ەسكىرۋ مەرزىمى اياقتالۋىنا بايلانىستى اكىمشىلىك شارالار قابىلدانباعان.
اتاپ ايتقاندا, مەديتسينالىق مەكەمەلەردە بەلگىلەنگەن تارتىپپەن سالىستىرىپ تەكسەرۋدەن وتپەگەن ناۋقاس مونيتورى, وكپەنى جاساندى جەلدەتۋ اپپاراتى, «اۋديو-سمارت» اۋديولوگيالىق سكرينينگكە ارنالعان جۇيە جانە ۋلترادىبىستىق دياگنوستيكا اپپاراتى ت.س.س. بىرنەشە مەديتسينالىق ولشەۋ قۇرالدارى پايدالانىلعان. ال مەرزىمىندە سالىستىرىپ تەكسەرۋدەن وتكىزىلمەگەن ولشەۋ قۇرالى ادام ءومىرى مەن دەنساۋلىعىنا تىكەلەي اسەر ەتىپ, قاۋىپ ءتوندىرۋى عاجاپ ەمەس.
شىمكەنت قالاسى پروكۋراتۋراسىنىڭ ۇسىنىمى نەگىزىندە, دەپارتامەنت قىزمەتكەرلەرىمەن 11 مەديتسينالىق مەكەمەلەردىڭ جاۋاپتى لاۋازىمدى تۇلعالارى زاڭنىڭ 19-بابى تالاپتارىن ساقتاماعانى ءۇشىن, قر «اكىمشىلىك قۇقىقبۇزۋشىلىق تۋرالى» كودەكسىنىڭ 419-بابى 1-بولىگى 2-تارماعىنا سايكەس اكىمشىلىك جاۋاپكەرشىلىككە تارتىلىپ, جالپى سومماسى 3 874 695 تەڭگە كولەمىندە ايىپپۇل سالىندى.
