بۇل جولعى وقيعا دا بۇعان دەيىن گاز جارىلعان مەتاللۋرگتەر داڭعىلىنداعى ءۇيدىڭ پاتەرىندە بولعان. بۇل جولى زارداپ شەككەندەر جوق.
«25 تامىز كۇنى ساعات 14:35-تە مەتاللۋرگتەر داڭعىلى بويىندا ورنالاسقان توعىز قاباتتى عيماراتتىڭ ءبىر پاتەرىندە اۋاعا گاز تاراپ, سوڭىندا جارىلدى. پودەزدەگى كىرەبەرىستىڭ تەرەزەلەرى سىنعان», دەلىنگەن قاراعاندى وبلىسى توتەنشە جاعدايلار دەپارتامەنتىنىڭ حابارلاماسىندا.
تەمىرتاۋلىق قۇتقارۋشىلار گاز قىزمەتى ماماندارىمەن جانە تۇرعىندارمەن بىرلەسىپ, پاتەرلەردى ارالاپ شىقتى. ونداعى ماقسات كەزەكتى جارىلىستى بولدىرماۋ. تەكسەرۋ جۇمىستارىنان كەيىن تۇرعىندار پاتەرلەرىنە ورالدى. قۇرباندار مەن زارداپ شەككەندەر جوق.
ەسكە سالايىق, 16 تامىز كۇنى تەمىرتاۋدا ءدال وسىنداي گاز باللونى جارىلىسى بولعان ەدى. ول كەزدە بىرنەشە پاتەردىڭ قابىرعالارى وپىرىلىپ قالعان.
