اسكەري-پاتريوتتىق تاربيە - بۇل ورتالىق مەملەكەتتىك جانە جەرگىلىكتى اتقارۋشى ورگانداردىڭ, قوعامدىق بىرلەستىكتەردىڭ ازاماتتاردا جوعارى پاتريوتتىق سانانى قالىپتاستىرۋ, مەملەكەتتى قورعاۋ جونىندەگى كونستيتۋتسيالىق مىندەتتەردى ورىنداۋعا ازىرلىك جانە وسىعان بايلانىستى قاجەتتى ءبىلىم مەن داعدىلاردى دامىتۋ جونىندەگى جۇيەلى, ماقساتتى جانە ۇيلەستىرىلگەن قىزمەتى.
وسىلايشا, قازاقستاندىقتاردى اسكەري-پاتريوتتىق تاربيەلەۋ كەلەسى باعىتتار بويىنشا ۇيىمداستىرىلادى: يدەولوگيالىق جۇمىس, اقپاراتتىق-تاربيە جۇمىسى, پسيحولوگيالىق جۇمىس, الەۋمەتتىك-قۇقىقتىق قىزمەت, مورالدىق-ادامگەرشىلىك جانە كاسىپتىك تاربيە.
ازاماتتاردى اسكەري-پاتريوتتىق تاربيەلەۋ مىنالاردى قامتيدى:
- ورتالىق مەملەكەتتىك جانە جەرگىلىكتى اتقارۋشى ورگانداردىڭ قىزمەتىن ۇيلەستىرۋ, سونداي-اق قوعامدىق بىرلەستىكتەرمەن ءوزارا ءىس-قيمىل جانە ىنتىماقتاستىق;
- قىزمەت باعىتتارى مەن قۇرالدارىن انىقتاۋ;
- ماقساتتى اۋديتورياعا اسەر ەتۋ شارالارى;
- عىلىمي جانە ادىستەمەلىك قامتاماسىز ەتۋ.
اسكەري-پاتريوتتىق جۇمىس ءۇش باعىت بويىنشا ۇيىمداستىرىلادى جانە وتكىزىلەدى:
- وقۋ مەكەمەلەرى جۇيەسىندە (بارلىق نەگىزگى دەڭگەيلەردە) نەمەسە ءارتۇرلى وقۋ پاندەرى بويىنشا, مامانداندىرىلعان فاكۋلتەتتەردە, كۋرستاردا, سەكتسيالاردا, قر قارۋلى كۇشتەرى, باسقا دا اسكەرلەرى مەن اسكەري قۇرالىمدارى ارداگەرلەرىمەن, باسقا مەملەكەتتەر اۋماعىنداعى ۇرىس قيمىلدارىنىڭ ارداگەرلەرىمەن جانە اسكەري قىزمەتشىلەرمەن ءىس-شارالاردا ونى تولىقتىراتىن ەلەمەنتتەر (وقۋ ساباقتارى) تۇرىندە جالپى دامىتۋ باعىتى;
- اسكەري جانە اسكەري-قولدانبالى باعىت پراكتيكالىق ساباقتار تۇرىندە جۇرگىزىلەدى جانە جالپىعا بىردەي اسكەري وقىتۋدى, جاستاردى اسكەرلەردىڭ ءومىرى مەن قىزمەتىمەن, اسكەري قىزمەتشىلەردىڭ قىزمەتى مەن تۇرمىسىنىڭ ەرەكشەلىكتەرىمەن تانىستىرۋدى قامتيدى;
- اسكەري-پاتريوتتىق لاگەرلەردە, وقۋ-دالا جيىندارىندا, اسكەري-پاتريوتتىق ۇيىمداردا, جاستار جيىندارى مەن فەستيۆالداردا.
ءبىرىنشى كەزەكتە ازاماتتاردى اسكەري-پاتريوتتىق تاربيەلەۋ پروتسەسى وسكەلەڭ ۇرپاقپەن ءبىلىم بەرۋ ۇيىمدارىندا, اتاپ ايتقاندا: مەكتەپتەردە, كوللەدجدەردە, جوو-لاردا جۇرگىزىلەدى.
قاۋلى 2022 جىلعى 5 قىركۇيەكتەن باستاپ قولدانىسقا ەنگىزىلەدى.
