ۇسىنىلعان تاسىمالداۋ قۇجاتتارىن تالداۋ بارىسىندا كەدەندىك تاسىمالداۋشى حالىقارالىق پوشتا جونەلتىلىمدەرى تۇرىندە سالماعى 19 توننا شوعىرلاندىرىلعان ەكسپرەسس جۇك تاۋارىن مالىمدەگەنى انىقتالدى.
«كەدەندىك رەسىمدەۋ رەگلامەنتىنە سايكەس حالىقارالىق پوشتا جونەلتىلىمدەرى كەدەندىك باقىلاۋ نىساندارىنان جەڭىلدەتىلگەن تارتىپپەن وتەدى. كوممەرتسيالىق جۇكتەر كەدەندىك باقىلاۋدىڭ بارلىق نىساندارىن قولدانا وتىرىپ, كەدەندىك رەسىمدەۋدەن وتەدى. تيىسىنشە, حالىقارالىق پوشتا جونەلتىلىمدەرى تۇرىندەگى كوممەرتسيالىق جۇكتى دەكلاراتسيالاي وتىرىپ, دەكلارانت كەدەندىك باقىلاۋدان جالتارادى. بۇل ەەك شەشىمدەرىن بۇزۋ بولىپ سانالادى», دەلىنگەن كوميتەت حابارلاماسىندا.
حالىق تۇتىناتىن دۇرىس دەكلاراتسيالانباعان تاۋارلارعا قاتىستى كەدەندىك تەكسەرۋ جۇرگىزىلۋدە, ونىڭ ىشىندە - قول ساعاتتارى, كومپيۋتەرلىك پەرنەتاقتا, بالالارعا ارنالعان زاتتار جانە باسقا دا زاتتار بار.
وسىعان بايلانىستى, ماتەريالدار قاراعاندى وبلىسى بويىنشا ەكونوميكالىق تەرگەۋ دەپارتامەنتىنىڭ اۆتوماتتاندىرىلعان اقپاراتتىق دەرەكتەر قورىنىڭ ەسەبىنە تىركەلگەن.
