ۇزدىكتەر تىزىمىندە قازاقستاننىڭ ەكى ساڭلاعى بار. WBA Super, IBF جانە IBO نۇسقالارىنىڭ تەڭدەسسىزى دەپ تانىلعان 40 جاستاعى گەننادي گولوۆكين ەكىنشى ورىندى يەلەنۋدە. ەگەر 17 قىركۇيەكتە لاس-ۆەگاستا وتەتىن جەكپە-جەكتە GGG مەكسيكالىق ساۋل الۆارەستى ۇتاتىن بولسا, وندا جەرلەسىمىز اتالعان رەيتينگتە جەكە-دارا كوش باستايتىنى انىق. ساناۋلى كۇندەردەن كەيىن WBO تۇجىرىمىنىڭ تولىققاندى چەمپيونى اتانعالى وتىرعان 29 جاستاعى جانىبەك ءالىمحان ۇلى ءتورتىنشى ساتىعا جايعاستى.
ورتا سالماقتاعىلاردىڭ كوشىن WBC-تىڭ چەمپيونى, امەريكالىق دجەرمالل چارلو باستاپ تۇر. ءۇشىنشى ورىندا – اقش-تىڭ تاعى ءبىر وكىلى دەمەتريۋس اندرادە. سونداي-اق «توپ-10» بوكسشىنىڭ قاتارىندا جاپونيالىق ريوتا مۋراتا, مەكسيكالىق حايمە مۋنگيا, ۇلىبريتانيالىق كريس يۋبەنك, دومينيكاندىق كارلوس ادامەس, كۋبالىق ەريسلاندي لارا جانە برازيليالىق ەسكيۆا فالكاو بار.
