ەرالى توعجانوۆتىڭ ايتۋىنشا, وتاندىق عىلىمدى دامىتۋدىڭ نەگىزگى باسىمدىعى - عالىمداردى جۇيەلى قولداۋ. وسىعان بايلانىستى ول عىلىمي قىزمەتكە بەيىمدىلىگى بار بالالاردى ىرىكتەۋدىڭ ۇزدىكسىز كوپ دەڭگەيلى جۇيەسىن ازىرلەۋدى تاپسىردى.
ايتا كەتسەك, سوڭعى جىلدارى اتالعان جۇيە ونەر سالاسىندا ءساتتى قولدانىلىپ كەلەدى. بولاشاق رەجيسسەرلەر مەن مۋزىكانتتار ورتا مەكتەپتەن باستاپ وقىتىلادى جانە مامانداندىرىلعان كوللەدجدەر مەن ۋنيۆەرسيتەتتەردە ءبىلىمىن ءارى قاراي جالعاستىرادى.
«زەرتتەۋ جۇرگىزىپ, ۇلكەن جاڭالىق اشۋعا الەۋەتى بار عالىمداردىڭ جاڭا بۋىنىن قالىپتاستىرۋ ءۇشىن تالانتتاردى تارتۋ باعدارلاماسىن ازىرلەۋدى تاپسىرامىن. سونداي-اق شەتەلدەن تارتىلاتىن دارىندى قازاقستاندىق عالىمدار ءتىزىلىمىنىڭ اقپاراتتىق بازاسىن قۇرۋدى جەدەلدەتۋ قاجەت», دەدى پرەمەر-ءمينيستردىڭ ورىنباسارى فورۋم بارىسىندا.
بۇل رەتتە قازاقستاندا عىلىمي كادرلار جەتىسپەيتىنىن ايتا كەتكەن ءجون. ەگەر تاۋەلسىزدىك جىلدارىنىڭ باسىندا ەلدە شامامەن 52 مىڭ عىلىمي قىزمەتكەر بولسا, قازىر بارلىعى 22 مىڭ ادام عزي مەن جوو بازاسىندا جۇمىس ىستەيدى.
