پورتال مالىمەتىنە سايكەس 2023 جىلعى 1 قاڭتاردان باستاپ:
ەڭ تومەنگى جالاقى – 60 000 تەڭگە;
ايلىق ەسەپتىك كورسەتكىش (اەك) – 3450 تەڭگە (الەۋمەتتىك تولەمدەر مەن ءوسىمپۇلداردى, سونداي-اق سالىقتار مەن باسقا دا تولەمدەردى ەسەپتەۋ ءۇشىن);
مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى – 21 907 تەڭگە;
ەڭ تومەنگى زەينەتاقى – 53 076 تەڭگە;
بۇدان باسقا, قۇجاتقا سايكەس, جاسىنا بايلانىستى زەينەتاقى تولەمدەرىنە جانە ەڭبەك ەتكەن جىلدارى ءۇشىن زەينەتاقى تولەمدەرىنە باعىتتالعان قاراجات ونىڭ مولشەرىنىڭ 2023 جىلعى 1 قاڭتاردان باستاپ 10,5 پايىزعا ارتۋىن ەسكەرە وتىرىپ بەلگىلەنەدى.
سونداي-اق امسق-عا تولەنۋگە جاتاتىن مىندەتتى الەۋمەتتىك مەديتسينالىق ساقتاندىرۋعا مەملەكەت جارنالارىنىڭ مولشەرى مەملەكەتتىڭ جارنالارىن ەسەپتەۋ وبەكتىسىنىڭ 1,8 پايىزىنا تەڭ.
