تاراپتار دۇنيەجۇزىلىك بانك تاراپىنان قازاقستانداعى دامۋ رەفورمالارىن قولداۋ شارالارىن تالقىلادى. وسى جۇمىس اياسىندا ناقتى قادامداردىڭ ءتىزىمىن قامتيتىن بىرلەسكەن جوبا ازىرلەندى.
جوبانى ىسكە اسىرۋ تەلەكوممۋنيكاتسيا سەكتورىندا نارىقتىق باسەكەلەستىكتى كۇشەيتۋدى, تسيفرلىق تەحنولوگيالار سەكتورىنىڭ تۇتاستىعىن ارتتىرۋدى جانە تسيفرلىق ەكونوميكانى دامىتۋدى قولداۋدى كوزدەيدى.
بۇدان باسقا, مەملەكەتتىك ساتىپ الۋلارداعى باسەكەلەستىكتى جانە اشىقتىقتى جەتىلدىرۋ, بانك سەكتورىنىڭ جۇمىسىن جاقسارتۋ, سىبايلاس جەمقورلىققا قارسى كۇرەس جونىندەگى شارالاردى كۇشەيتۋ, اگلومەراتسيالاردى دامىتۋ, سونداي-اق ەكولوگيالىق جانە ءتيىمدى ەنەرگيانى ءوندىرۋ بويىنشا شارالار قاراستىرىلعان.
«قازىرگى جاعدايدا بۇل جوبا قازاقستان ءۇشىن وتە ماڭىزدى. ول داعدارىسقا قارسى قابىلدانىپ جاتقان شارالارعا جانە ەلىمىزدىڭ جاڭا ەكونوميكالىق باعىتىن ىسكە اسىرۋعا قولداۋ كورسەتۋدى قامتاماسىز ەتەدى», دەدى ءاليحان سمايىلوۆ.
ءوز كەزەگىندە تاتيانا پروسكۋرياكوۆا دۇنيەجۇزىلىك بانك قازاقستاندى سەنىمدى سەرىكتەس رەتىندە قابىلدايتىنىن, سوندىقتان ءوزارا ءتيىمدى ىنتىماقتاستىقتى جالعاستىرۋعا دايىن ەكەنىن اتاپ ءوتتى.
ء«بىز قازاقستان ۇكىمەتىنىڭ العا قويعان ماقساتتارعا قول جەتكىزۋىنە مۇددەلىمىز. مەنىڭ ويىمشا, كوپتەگەن باعىتتار بويىنشا ۇلكەن پەرسپەكتيۆالار بار», دەدى تاتيانا پروسكۋرياكوۆا.
كەزدەسۋدى قورىتىندىلاي كەلە, ۇكىمەت باسشىسى ۇلتتىق ەكونوميكا مينيسترلىگىنە مۇددەلى مەملەكەتتىك ورگاندارمەن بىرلەسىپ, رەفورمالار ماتريتساسىن كەلىسۋدى جانداندىرۋدى تاپسىردى.
