جاپونيا ۇكىمەتى 2023 جىلدىڭ جازىنا قاراي ەلدەگى جۇمىس ىستەپ تۇرعان اتوم رەاكتورلارىنىڭ سانىن 17-گە دەيىن كوبەيتىپ, ەلدىڭ ءارتۇرلى بولىكتەرىندەگى توقتاتىلعان اەس ەنەرگيا بلوكتارىنىڭ جەتەۋىن پايدالانۋعا بەرۋدى جوسپارلاپ وتىر.
اتاپ ايتقاندا, «كاسيۆادزاكي-كاريۆا» اەس التىنشى جانە جەتىنشى ەنەرگيا بلوكتارىن, «وناگاۆا» اەس ەكىنشى ەنەرگيا بلوگىن, «تاكاحاما» اەس ءبىرىنشى جانە ەكىنشى بلوكتارىن, «سيمانە» اەس ەكىنشى بلوگىن جانە «توكاي-2» اەس جەتىنشى ەنەرگيا بلوگىن قايتا ىسكە قوسۋ جوسپارلانۋدا.
سونداي-اق, جاپونيانىڭ ەكونوميكا, ساۋدا جانە ونەركاسىپ مينيسترلىگى اەس پايدالانۋدىڭ بارىنشا رۇقسات ەتىلگەن مەرزىمىن ارتتىرۋ مۇمكىندىگىن قاراستىرىپ جاتىر.
قازىرگى ۋاقىتتا رەاكتورلاردىڭ جۇمىس ىستەۋ مەرزىمى 40 جىلعا شەكتەلگەن, بىراق بارلىق تالاپتار ساقتالعان جانە تەكسەرۋدەن وتكەن جاعدايدا مەرزىم تاعى 20 جىلعا ۇزارتىلۋى مۇمكىن.
