ۆيتسە-پرەمەر ەرالى توعجانوۆ اتاپ وتكەندەي, 2019 جىلدىڭ ءساۋىر ايىنداعى ساپار قورىتىندىسى بويىنشا مەملەكەت باسشىسى قوسشى قالاسىن ودان ءارى دامىتۋ, ونىڭ ىشىندە ءۇش اۋىسىمدى مەكتەپتەر ماسەلەسىن شەشۋ جونىندە ناقتى تاپسىرمالار بەردى.
قازىرگى ۋاقىتتا قالا حالقىنىڭ سانى شامامەن 65 مىڭ ادامدى قۇرايدى – بۇل وبلىستىق ماڭىزى بار قارقىندى دامىپ كەلە جاتقان قالالاردىڭ ءبىرى. بۇل رەتتە حالىقتىڭ جىل سايىنعى ءوسۋى الەۋمەتتىك ينفراقۇرىلىمعا ايتارلىقتاي جۇكتەمە تۇسىرەدى. وسىعان بايلانىستى ۇكىمەت پەن وڭىرلىك بيلىك قالالىقتاردىڭ ءومىر ءسۇرۋ ساپاسىن جاقسارتۋ بويىنشا جۇيەلى شارالار قابىلداپ جاتىر.
قالادا جوبالىق قۋاتى 3,7 مىڭ ورىندىق ءۇش مەكتەپ جۇمىس ىستەيدى, بىراق ولاردا 6,8 مىڭ وقۋشى وقيدى. وقۋشى ورىندارىنىڭ تاپشىلىعى 3,1 مىڭ ورىندى قۇرايدى. ءۇش اۋىسىمدى وقىتۋدى جويۋ ءۇشىن 3 مەكتەپتىڭ قۇرىلىسى جۇرگىزىلۋدە.
1 قىركۇيەكتە جاڭا مەكتەپ ءوز ەسىگىن اشادى, بۇل وقۋشى ورىندارىنىڭ تاپشىلىعىن 77%-عا تومەندەتۋگە مۇمكىندىك بەرەدى.
ە. توعجانوۆ 1200 ورىندىق تاعى ءبىر مەكتەپتىڭ قۇرىلىسىن جەدەلدەتۋدى تاپسىردى, ونى جىل سوڭىنا دەيىن ىسكە قوسۋ جوسپارلانعان. بۇل مەكتەپ «لەسنايا پوليانا» تۇرعىن الابىندا ورنالاسقان نەگىزگى مەكتەپكە جۇكتەمەنى ازايتادى, وندا 4,6 مىڭ بالا وقيدى (جوبالىق قۋاتى 2,4 مىڭ ورىن). اقمولا وبلىسىنىڭ اكىمى ەرمەك مارجىقپاەۆ پرەمەر-ءمينيستردىڭ ورىنباسارىنا كەلەسى جىلى تاعى 2 مەكتەپ ىسكە قوسىلاتىنىن, ونىڭ بىرەۋى جەكە ينۆەستيتسيالار ەسەبىنەن سالىناتىنىن حابارلادى.
قوسشى قالاسىنىڭ مەكتەپتەرىندە ءۇش اۋىسىمدى وقىتۋ ماسەلەسى 2023 جىلدىڭ 1 قىركۇيەگىنە دەيىن تولىق شەشىلەدى.
«مەملەكەت باسشىسى وقۋ ورىندارىندا جايلى جاعداي جاساۋدى تاپسىردى. ونى ىسكە اسىرۋ ءۇشىن ۇكىمەت ءۇش اۋىسىمدا وقىتاتىن مەكتەپتەردە ەكى اۋىسىمدىق وقىتۋ فورماتىنا كوشۋ ماسەلەلەرىن شەشۋدە. جىل سوڭىنا دەيىن قوسشى قالاسىندا ماسەلە ءوز شەشىمىن تابادى», دەپ اتاپ ءوتتى ە.توعجانوۆ.
سونداي-اق پرەمەر-ءمينيستردىڭ ورىنباسارى جاڭا قالا تاريحىنداعى ءبىر اۋىسىمدا 100 ادام قابىلدايتىن ءبىرىنشى زاماناۋي قالالىق ەمحانادا بولدى. ول 2022 جىلدىڭ ءۇشىنشى توقسانىندا پايدالانۋعا بەرىلەدى جانە ونىڭ اشىلۋىن قالا تۇرعىندارى اسىعا كۇتۋدە. ەمحانا زاماناۋي مەديتسينالىق جانە زەرتحانالىق جابدىقتارمەن جابدىقتالعان جانە دارىگەرلەرمەن, مەدبيكەلەرمەن قامتاماسىز ەتىلگەن.
سونىمەن قاتار ۆيتسە-پرەمەر پوليتسيا ءبولىمىنىڭ جاڭا عيماراتىنداعى قاۋىپسىزدىك جانە قۇقىق ءتارتىبىن قورعاۋدى مونيتورينگىلەۋ جۇيەسىمەن تانىستى. جاڭا پوليتسيا كورپۋسى بارلىق قاجەتتى جابدىقتارمەن, سونىڭ ىشىندە باقىلاۋ جانە ءتارتىپتىڭ ساقتالۋىن باقىلاۋ مونيتورلارىمەن جابدىقتالعان.
ساپار قورىتىندىسى بويىنشا ە.توعجانوۆ اقمولا وبلىسىنىڭ اكىمدىگىنە وقۋ-اعارتۋ جانە دەنساۋلىق ساقتاۋ مينيسترلىكتەرىمەن بىرلەسىپ, مەكتەپ پەن ەمحانانى پەداگوگيكالىق جانە مەديتسينالىق پەرسونالدارمەن تولىقتىرۋدى اياقتاۋدى, سونداي-اق ءبىلىم بەرۋ جانە دەنساۋلىق ساقتاۋ وبەكتىلەرىن قاجەتتى جابدىقتارمەن جانە م ۇلىپەن تولىق جاراقتاندىرۋدى قامتاماسىز ەتۋدى تاپسىردى.
جۇمىس ساپارىنىڭ جالعاسىندا پرەمەر-ءمينيستردىڭ ورىنباسارى ەلوردانىڭ ءبىلىم بەرۋ ۇيىمدارىنا دا باردى.
ە.توعجانوۆ №65 مەكتەپكە جاپسارجاي قۇرىلىسىنىڭ بارىسىمەن تانىستى. بۇل مەكتەپتىڭ جوبالىق قۋاتى ءبىر اۋىسىمدا 1200 ورىندى قۇرايدى, بۇگىندە 3 مىڭنان استام وقۋشى وقيدى. وقۋشى ورىندارىنىڭ سانىن ارتتىرۋ ماقساتىندا قوسىمشا قۇرىلىس سالىنىپ جاتىر, ول قوسىمشا تاعى 1,2 مىڭ وقۋشىعا ارنالعان ورىندار قۇرۋعا مۇمكىندىك بەرەدى.
سونداي-اق پرەمەر-ءمينيستردىڭ ورىنباسارى ەرەكشە ءبىلىم بەرىلۋىنە قاجەتتىلىگى بار بالالارعا ارنالعان №1 ارنايى مەكتەپ-ينتەرناتىنىڭ جۇمىسىمەن تانىستى.
ەرالى توعجانوۆ ينكليۋزيۆتى ءبىلىم بەرۋدىڭ نەگىزىنە بالالاردى كەز كەلگەن كەمسىتۋدى بولدىرمايتىن, بارلىق ادامدارعا تەڭ قارىم-قاتىناستى قامتاماسىز ەتەتىن, ەرەكشە ءبىلىم بەرۋ قاجەتتىلىكتەرى بار بالالار ءۇشىن ەرەكشە جاعداي جاسايتىن يدەولوگيا ەنگىزىلگەنىن اتاپ ءوتتى.
ايتا كەتەيىك, نۇر-سۇلتان قالاسىندا ينكليۋزيۆتى وقىتۋدى قاجەت ەتەتىن 14 مىڭنان استام بالا تۇرادى. 3 مامانداندىرىلعان ءبىلىم بەرۋ ۇيىمدارىنىڭ بازاسىندا 1204 بالا ءۇشىن وقىتۋ ۇيىمداستىرىلعان. №1 ارنايى مەكتەپ-ينتەرناتتا 520 بالا وقيدى, 125 ورىندىق ينتەرنات بار.
№1 ارنايى مەكتەپ-ينتەرناتتىڭ قولدا بار ينفراقۇرىلىمى كۇندىزگى/ساعاتتىق بولۋ شەڭبەرىندە قوسىمشا ساباقتار وتكىزۋ ءۇشىن ەرەكشە ءبىلىم بەرىلۋىنە قاجەتتىلىگى بار بالالار كونتينگەنتىن كەڭەيتۋگە مۇمكىندىك بەرەدى. بۇل مۇمكىندىك مۇگەدەك بالالاردى تاربيەلەپ وتىرعان اتا-انالارعا جۇكتەمەنى ازايتۋعا ىقپال ەتەدى.
سونداي-اق ەرالى توعجانوۆ ەلوردانىڭ ءبىلىم بەرۋ ۇيىمدارى ءوز مىسالىندا مۇمكىندىگى شەكتەۋلى ادامداردى وقىتۋ مەن كاسىبي دايارلاۋدا كەدەرگىسىز ورتانىڭ قالاي قۇرىلاتىنىن كورسەتۋدە ۇلگى بولۋى ءتيىس ەكەنىن اتاپ ءوتتى. جىل سايىن جاڭا ءبىلىم بەرۋ وبەكتىلەرى ەنگىزىلەدى, جوبالىق قۇجاتتاما ازىرلەنگەن ساتتەن باستاپ ولار مۇمكىندىگى شەكتەۋلى بالالاردى وقىتۋ ءۇشىن جاعداي جاساۋ جونىندەگى شارالار كەشەنىن ەسكەرۋى ءتيىس.
«2021 جىلى مەملەكەت باسشىسى ينكليۋزيۆتى ءبىلىم بەرۋ ماسەلەلەرى بويىنشا زاڭنامالىق وزگەرىستەرگە قول قويدى. ءدال وسى زاڭنامالىق اكتىدە باستاپقى جانە بازالىق نەگىزدەر قالانعان. جاۋاپتى مەملەكەتتىك ورگانداردىڭ مىندەتى – زاڭنامالىق نورمالاردىڭ مۇلتىكسىز ورىندالۋىن قامتاماسىز ەتۋ», دەدى ە.توعجانوۆ.
ساپار سوڭىندا ۆيتسە-پرەمەر قايتا قۇرۋدان كەيىن جاقىندا اشىلعان كوكتال-2 تۇرعىن الابىنداعى «قورعالجىن» ساياباعىنا باردى. سكۆەردە بالالار مەن ەرەسەكتەردىڭ بوس ۋاقىتىن وتكىزۋگە ارنالعان الاڭدار, مادەني جانە قوعامدىق ءىس-شارالار وتكىزۋگە ارنالعان ايماق, سپورت الاڭى بار. مۇندا شاحمات پەن ۇستەل تەننيسىنە ارنالعان ۇستەلدەر ورناتىلعان.
نىساندى ارالاۋ بارىسىندا ە.توعجانوۆ كوكتال-2 تۇرعىن الابىنىڭ تۇرعىندارىمەن كەزدەسۋ وتكىزدى, ونىڭ قورىتىندىسى بويىنشا قالا اكىمدىگىنە جانە مۇددەلى مەملەكەتتىك ورگاندارعا ءتيىستى تاپسىرمالار بەرىلدى.
